LISYOON 42
Was saat ti Piipel iwich hayrate un letich plaype?
In etliche kultuer, tenke ti layt tas yemant khan ploos froo sin wën eyer sich ferhayrat. Awer, net al ti ferhayrate sin froo, un net al ti letiche sin traurich. Ti Piipel saat tas ferhayrat sin orer letich plaype is een kexenk fon Kot.
1. Was fer nutse hon tii woo letich plaype?
Ti Piipel saat: “Tee woo sich ferhayrat, tuut was kuutes mache, awer tee woo sich net ferhayrate tuut, macht peser.” (Lees 1 Korinter 7:32, 33, 38.) Uf was fer aat macht een letich persoon tas peser? Ti kriste woo letich sin, prayche sich khee ketanke mache um ti neetichkheete fon eene man orer fraa. Soo hon se mee frayheet. Tii khene ti tsayt penutse fer mee in iire tiinst mache. Im xtant, khene se woone keen in een aner lant fer ti kuute notisye preetiche, un hauptseechlich tii hon mee tsayt fer iire fraayntxaft mit Yeehoowa ferxtërke.
2. Was fer nutse hon tii woo ferhayrat sin?
Ferhayrat sin pringt aach nutse. Ti Piipel saat: “Tswaay sin peser wii ploos eene.” (Eklesyastes 4:9) Tas is woer, hauptseechlich wën ti kriste aan wëne piiplixe aan reete in iire hayrat. Wën eene man un fraa ufm kericht hayrate, ferxpreche se eene te anere liipe, respektiire un uf phase. Tas kept tëne ti sicherheet woo tii woo samer woone, oone hayrate, net hon. Un wën tas pheyerche ferhayrat is, khene ti khiner sich aach sicher xpiire.
3. Was mënt Yeehoowa iwich ti hayrat?
Wii Yeehoowa ti eyerst hayrat kemacht hot, hot tee kesaat: “Tuut te man sayn fater un sayn muter lose un tuut sich fest tsu sayn fraa hale.” (Xeenesis 2:24) Yeehoowa wil tas man un fraa sole sich liipe un pay samer plaype soo lang wii se leepe. Tee nëmt ploos tiwors aan wën tee man orer ti fraa untroy is. a (Matheus 19:9) Uf tiise aat kept Yeehoowa te unxultiche persoon tas recht fer raus suuche ep eyer wil tiwors mache orer net. Yeehoowa nëmt net aan ti polikamii, tas is, tee nëmt net aan tas ti kriste ferhayrat sin mit mee wii een fraa orer eene man. — 1 Timoteus 3:2.
LËRN MEE
Lërn wii letiche un ferhayrate khene froo sin un Yeehoowa fraye.
4. Wii khene ti letiche iire leepe kuut penutse
Fer Yeesus letich sin waar etwas kuutes. (Matheus 19:11, 12) Leest Matheus 4:23. Noochte xprecht iwich tiise frooch:
-
Wayl Yeesus letich waar, wii khont tee sayn frayheet penutse fer sayn Fater tiine un anere helfe?
Ti kriste woo letich sin khene aach mache soo wii Yeesus. Kukt te WIITEO. Noochte xprecht iwich tiise frooch:
-
Wii khan te krist woo letich is kuut sayn tsayt penutse fer Yeehoowa tiine?
Wust tuu?
Ti Piipel saat net wii alt yemant mus sin fer sich ferhayrate. Awer tii muut uf tas te persoon waarte sol pis “tee xon iwer ti pluum fon te yunge yoore is”, een tsayt wën tee xtarke seksuaale xpiirunge hot, woo khan mache tas tee ferkheerte ëntxlise macht. — 1 Korinter 7:36.
5. Suuch kuut raus mit weem tuu hayrate wilst
Yemant raus suuche fer hayrate is een fon te haupste entxlise woo mer im leepe mache. Leest Matheus 19:4-6, 9. Noochte xprecht iwich tiise frooch:
-
Warom sol eene krist kheen ayl hon fer hayrate?
Ti Piipel khan tich helfe wise was fer kwaliteete suuche aan eene man orer een fraa. Awer, tas wichtiches is tas tee orer tii Yeehoowa tiint. b Leest 1 Korinter 7:39 un 2 Korinter 6:14. Noochte xprecht iwich tiise frooche:
-
Warom sole mer hayrate mit yemant woo aach Yeehoowa tiint?
-
Wii mënst tuu tas Yeehoowa sich xpiirt wën mer uns ferhayrate mit yemant woo iim net tiint?
Wën tswaay kanse unerxiitliche tiere aan kexpant wëre, layte se. Kraat soo, is es mit eene krist woo sich ferhayrat mit yemant woo net Yeehoowa tiint; tii wëre fiil propleeme hon
6. Sii ti hayrat aan soo wii Yeehoowa
Friier, hon etliche mëner fon Yeehoowa sayn folek aus naner kemacht mit iire fraa weeche ekoiistixe motiiwe. Leest Malakias 2:13, 14, 16. Noochte xprecht iwich tiise frooch:
-
Warom hast Yeehoowa te tiwors woo khee piiplixe motiiw hot?
Atultëryo un tiwors mache xaate fer te unxultiche man orer fraa un ti khiner
Kukt te WIITEO. Noochte xprecht iwich tiise frooch:
-
Wëns tuu ferhayrat pist mit yemant woo net Yeehoowa tiint, was khanst tuu mache fer een froo hayrat hon?
7. Wën aan was Yeehoowa saat iwich ti hayrat
Yemant must sich, im xtant, aarich aan xtrenge fer aan wëne aanreete woo Yeehoowa kept iwich ti hayrat. c Awer Yeehoowa seechent tii woo tas mache. Kukt te WIITEO.
Leest Hepreeyer 13:4. Noochte xprecht iwich tiise frooche:
-
Was mënst tuu: Is es meechlich aan wëne was Yeehoowa saat iwich ti hayrat? Warom?
In ti meyerste lënter, is tas kesets tas ti layt mise iire hayrat un aach iire tiwors ufm kericht in traan. Yeehoowa wil tas ti kriste sole aan heere tas kesets. Leest Titus 3:1. Noochte xprecht iwich tiise frooch:
-
Wëns tuu ferhayrat pist, pist tuu sicher tas tayn hayrat in ketraa is ufm kericht?
YEMANT KHAN FROOE: “Warom hayrate? Khan ma net ploos mit samer woone?”
-
Was teest tuu saan?
IN KHORTSE WËRTER
Ferhayrat sin orer letich plaype sin kexenke fon Yeehoowa. Letiche un ferhayrate khene frooheet hon un sich tsufriite xpiire, wën se leepe soo wii Yeehoowa saat.
Was hon mer kelërnt?
-
Wii khene ti letiche sayn leepe kuut penutse?
-
Warom saat ti Piipel tas mer sole hayrate ploos mit yemant woo aach Yeehoowa tiint?
-
Was is te eensiche piiplixe motiiw fer te tiwors?
FER MEE WISE
Was petayt “ploos im Hër” hayrate?
Kuk tswaay khortse wiiteos woo tich helfe khene een kuut ëntxlus mache iwich namoriire un hayrate.
Lërn warom eene pruuter tenkt tas Yeehoowa iim was peseres kep hot wii tas woo eyer im xtich kelos hot.
Aan was mist een mënx tenke eep eyer pleent tiwors mache orer aus naner keen?
“Respektiir was ‘Kot uner tas selwiche yoch ketuun hot’” (A Sentinela, Teetsemper 2018)
a Kuk Fer peser ferxteen 4, iwich aus naner mache wën khee atultëryo pasiirt is.
b In etliche kultuer, ti eltere suuche raus mit weem iire khiner hayrate sole. Awer liipliche eltere tenke eyerst ep te man orer ti fraa Yeehoowa liipt, un net am kelt orer raychtum.
c Wëns tuu mit yemant leepst un sayt net ferhayrat, tan ploos tuu khanst raus suuche eps tuu tiise persoon lose wilst orer mit iim hayrate.
