LISYOON 43
Was saat ti Piipel iwich alkohool ketrenk?
In ti kans welt, hon ti layt unerxiitliche mënunge iwich alkohool ketrenk. Etliche trinke als mool wën se mit iire fraaynte sin, anere tuun liipe net trinke. Un sin anere woo trinke pis se pesof sin. Was saat ti Piipel iwich alkohool ketrenk?
1. Is es ferkheert alkohool ketrenk trinke?
Ti Piipel saat net tas es ferkheert is alkohool trinke. Tii saat soo kaar tas ‘te wayn te man sayn hërts frayt’, tas is een fon te fiile kexenke woo Kot uns kep hot. (Psalm 104:14, 15) Troye mëner un fraae, woo in ti Piipel kenënt sin, hon aach alkohool ketrunk. — 1 Timoteus 5:23.
2. Was fer aanreete kep ti Piipel fer tëne woo raus suuche alkohool trinke?
Yeehoowa saat net ploos tas es ferkheert is sich pesof mache, awer aach tsu fiil trinke. (Kalater 5:21) Ti Piipel saat: “Say net pay tëne woo tsu fiil wayn trinke.” (Xpriiche 23:20) Tes weeche, wën mer raus suuche trinke, sole mer kemeesich sin, soo kaar wën mer aleen sin. Tsu fiil trinke macht tas te mënx net mee richtich tenkt un wees net was se xprecht un macht. Un noch, tas khan xaate mache fer sayn kesuntheet. Wën ma net wees wii fiil ma trinke khan, is es peser tas ma kaar niks trinkt.
3. Wii respekt tsayche tsu anere sayn ëntxlus?
Yeete eene khan raus suuche ep eyer wil alkohool trinke orer net. Meyer sole net tenke tas yemant woo kemeesich trinkt was ferkheertes macht. Meyer sole aach net anere tswinge tas se trinke sole. (Romaaner 14:10) Meyer prayche aach net trinke wën tas ti anere pelayticht. (Lees Romaaner 14:21.) Meyer wole ‘net ploos aan unser aychne nuts tenke awer aach aan te nuts fon te anere.’ — Lees 1 Korinter 10:23, 24.
LËRN MEE
Unersuuch piiplixe oryentiirunge woo tich helfe khene raus suuche ops tuu solst trinke orer net, un wii fiil. Kuk aach was tuu mache khanst wëns tuu propleeme host mit alkohool ketrenk.
4. Alkohool ketrenk — yaa orer nee?
Was hot Yeesus ketacht iwich alkohool ketrenk? Sayne eyerste wuner heleft uns ti antwort wise. Leest Yoohan 2:1-11. Noochte xprecht iwich tiise frooche:
-
Wii khan tiise wuner uns helfe ferxteen was Yeesus ketacht hot fon (1) alkohool ketrenk un (2) weer raus suucht trinke?
-
Yeesus hot net kesaat tas es ferkheert is alkohool trinke. Tan, was sole ti kriste tenke iwich tii woo raus suuche trinke?
Awer tas is net ploos wayl een krist trinke thërf tas es imer tas peste is woo tee mache khan. Leest Xpriiche 22:3. Noochte xprecht iwich wii tiise phunkte khene tich helfe een ëntxlus mache wëns:
-
Tuu faare keest orer mit een maxiin xafst.
-
Tuu xwange pist.
-
Te tokter saat tas tuu thërfst net trinke.
-
Tuu khanst net kontroliire wii fiil tas tuu trinkst.
-
Te kesets fom lant net erlaupt tas trinke.
-
Tuu mit yemant pist woo raus suucht net trinke wayl eyer friier xon propleeme mit ketrenk hat.
Meechts tuu alkohool aan piite uf een hoochtsayt fëst orer uf een aner fëst? Was khan tich helfe een ëntxlus mache? Kukt te WIITEO.
Leest Romaaner 13:13 un 1 Korinter 10:31, 32. Noochte xprecht iwich tiise frooch:
-
Wii tiise oryentiirunge aan nëme khan tich helfe een ëntxlus mache woo Yeehoowa kefalt?
Yeete krist khan raus suuche ep eyer wil alkohool trinke orer net. Wën tee aach als mool alkohool trinkt, khan tee aner mool raus suuche net trinke
5. Xtel fest wii fiil trinke
Wëns tuu raus suuchst alkohool trinke, tenk aan tas: Yeehoowa ferpiit net alkohool trinke, awer te ferpiit tsu fiil trinke. Warom? Leest Oseyas 4:11, 18. Noochte xprecht iwich tiise frooch:
-
Was khan pasiire wën yemant tsu fiil trinkt?
Was khan uns helfe net tsu fiil trinke? Meyer mise kemeesich sin, tas is, mer mise wise wii fiil mer trinke khene. Leest Xpriiche 11:2. Noochte xprecht iwich tiise frooch:
-
Warom is es kuut fest xtele wii fiil trinke?
6. Hilfe fer tii woo tsu fiil trinke
Kuk was eene man keholef hot noo lose tsu trinke. Kukt te WIITEO. Noochte xprecht iwich tiise frooche:
-
Im wiiteo, wii hot Dmitry sich aan kextelt wën eyer pesof waar?
-
Meecht tee noo kelos hon trinke tas eyerste mool wii eyer fersuucht hot?
-
Wii hot tee ëntlich noo kelos tsu trinke?
Leest 1 Korinter 6:10, 11. Noochte xprecht iwich tiise frooche:
-
Meecht tas was xlimes sin sich pesof mache?
-
Was tsaycht tas yemant woo keweent is tsu fiil trinke sich ënere khan?
Leest Matheus 5:30. Noochte xprecht iwich tiise frooch:
-
In Yeesus sayn ferklaychung iwich een hant ap xnayte, wolt tee saan tas mer mise, im xtant, uns aarich aan xtrenge un fiil im xtich lose fer Yeehoowa kefale. Wëns tuu wilst noo lose se trinke, was mus tuu mache? a
Leest 1 Korinter 15:33. Noochte xprecht iwich tiise frooch:
-
Wëns tuu fraaynte host woo tsu fiil trinke, wii khan tich tas xaate mache?
YEMANT KHAN FROOE: “Is es ferkheert trinke?”
-
Was teest tuu saan?
IN KHORTSE WËRTER
Alkohool ketrenk is een fon te fiile kexenke woo Yeehoowa uns kep hot. Awer, tee nëmt net aan tas yemant tsu fiil trinkt orer macht sich pesof.
Was hon mer kelërnt?
-
Was saat ti Piipel iwich alkohool ketrenk?
-
Warom is es kefeerlich tsu fiil trinke?
-
Wii khene mer ti anere iire ëntxlus respektiire?
FER MEE WISE
Wii khene ti yunge kuute ëntxlise mache iwich alkohool ketrenk?
Kuk was fer xrite tuu kepe khanst fer noo lose se trinke.
“Hal alkohool ketrenk unich kontrol” (A Sentinela, 1te Yanuer 2010)
Sole ti kriste kleese aan naner xtoose fer klik orer kesuntheet winxe?
“Ich waar wii een fas woo nii fol wërt.” Lees wii te man noo kelos hot tsu fiil trinke.
a Tii woo wole noo lose tsu trinke, prayche im xtant hilef fon een tokter. Fiil toktere saan tas tii woo propleem hon mit alkohool ketrenk, mise im xtant kans noo lose tsu trinke.
