Yeesus hot fer sayn tisipele kesaat tas se solte “khee teel fon te welt” sin. (Yoohan 15:19) Tas hot tsu tuun mit neutral sin — tas is, khee teel mache in te politik un in te kriiche fon te welt. Awer, tas is net imer laycht neutral sin. Als mool ferxpote se uns tes weeche. Wii khene mer neutral un leaal tsu Yeehoowa sin?

1. Was tenke ti kriste iwer mënxliche rechiirunge?

Ti kriste respektiire ti rechiirunge. Soo, mache se was Yeesus kesaat hot: ‘Kep Sësar was Sësar keheert.’ (Markus 12:17) Tas petayt tas mer aan heere ti kesetse fom lant, soo wii xtaye petsaale. Ti Piipel lërnt in tas es ploos mënxliche rechiirunge kept wayl Yeehoowa tas erlaupt. (Romaaner 13:1) Tes weeche, erkhëne mer tas ti mënxliche rechiirunge autoriteet hon, awer net ti kans autoriteet woo ploos Kot hot. Meyer wise tas ploos Kot un sayn Raych khene ti mënxliche propleeme am ën mache.

2. Wii khene mer tsayche tas mer neutral sin?

Soo wii Yeesus, tuun mer uns net in te politik rin mexe. Wii ti mënxe kesiin hon eene fon Yeesus sayn wunere, hon se fersuucht fon tëm een kheenich mache. Awer tee hot tas net aan kenom. (Yoohan 6:15) Warom? Was tee xpeeter kesaat hot kept ti antwort: “Mayn Raych is khee teel fon tiise welt.” (Yoohan 18:36) Wayl mer Yeesus sayn tisipele sin, sin mer neutral uf fiile aate. Tsum payxpiil, meyer mache khee teel im kriich. (Lees Mikeyas 4:3.) Un noch, meyer xteen net pay un sin aach net keeche een politix partay orer eene kantitaat. Meyer respektiire tas lant woo mer woone. Awer mer loope orer kriise net ti faan, wayl tas weyer soo wii een aanpeetung. (1 Yoohan 5:21) Tas sin etliche aate woo mer khene tsayche tas mer kans leaal tsu Kot sayn Raych sin.

 LËRN MEE

3. Woere kriste sin neutral

Yeesus un sayn tisipele waare neutral. Meyer sole tëne iire payxpiil noo mache. Leest Romaaner 13:1, 5-7 un 1 Pheeter 2:13, 14. Noochte, kukt te WIITEO un xprecht iwich tiise frooche:

• Warom sole mer ti mënxliche rechiirunge respektiire?

• Uf was fer aate khene mer tsayche tas mer se aan heere?

Wën kriich is, etliche lënter saan tas se neutral weyere, awer mit te lëngt, xtitse se ti tswaay sayte fom kriich. Awer was is wërklich neutral sin? Leest Yoohan 17:16. Noochte, kukt te WIITEO un xprecht iwich tiise frooch:

• Was petayt neutral sin?

Un wën een rechiirung ferlangt tas mer sole etwas mache woo keeche Kot sayn kesetse keet? Leest Aphostele sayn Kexicht 5:28, 29. Noochte, kukt te WIITEO un xprecht iwich tiise frooche:

• Wën een mënxlich kesets sich keeche Kot sayn kesets xtelt, was fer eens sole mer aan heere?

• Khanst tuu tenke aan een situatsyoon woo ti kriste khente net ti autoriteete aan heere?

 4. Say neutral in tayn ketanke un wiis tuu tich aan xtelst

Leest 1 Yoohan 5:21. Noochte, kukt te WIITEO un xprecht iwich tiise frooche:

• Im wiiteo, warom hot Ayenge sich net in kexrip in te politix partay, un hot aach khee teel kemacht in tinge wii ti faan kriise un eere?

• Mënst tuu tee hët een kuut ëntxlus kemacht?

Was fer anere situatsyoone khene unser neutraliteet in proop xtele? Kukt te WIITEO. Noochte xprecht iwich tiise frooche:

• Wën unser lant keeche een aner xpiilt, wii khene mer tsayche tas mer neutral sin?

• Wii khene mer foran neutral sin wën ti ëntxlise fon een politiker uns perseenlich petrefe?

• Wii khan tas was mer heere fon anere layt, orer in te notisye, unser neutraliteet petrefe?

 IN KHORTSE WËRTER

Ti kriste mise sich aan xtrenge fer neutral sin in was se tenke, was se xpreche un wii se sich aan xtele.

Was hon mer kelërnt?

• Was sole mer ti mënxliche rechiirunge kepe?

• Warom sole mer neutral sin?

• In was fer situatsyoone khan unser neutraliteet in proop kextelt wëre?