LISYOON 46
Warom unser leepe tsu Yeehoowa kepe un ketaaft wëre?
Ti pest ëntxlus woo mer mache khene is unser leepe fer Yeehoowa kepe. Meyer kepe unser leepe fer Yeehoowa wën mer, in een kepeet, iim ferxpreche tas mer wole ploos iim aan peete un sayne wile im eyerste plats in unser leepe tuun. (Psalm 40:8) Noo tas, khene mer ketaaft wëre. Ti taaf tsaycht fer ti anere tas mer unser leepe fer Yeehoowa kep hon. Tiise ëntxlus ënert te mënx sayn leepe. Awer, was muut yemant uf fer soo een ërnst ëntxlus mache?
1. Was muut yemant uf fer sayn leepe Yeehoowa kepe?
Meyer kepe unser leepe fer Yeehoowa wayl mer iim liipe. (1 Yoohan 4:10, 19) Ti Piipel saat: “Liip Yeehoowa, tayn Kot, mit tayn kans hërts, mit tayn kans seel, mit tayne kanse ferxtant un mit tayn kans kraft.” (Markus 12:30) Meyer tsayche tas mer Yeehoowa liipe net ploos torich was mer saan, awer aach wii mer uns aan xtele. Tsum payxpiil, wën een pheyerche sich wërklich liipt, wole se sich ferhayrate. Uf te selwich aat, ti liip woo mer tsu Yeehoowa hon, muut uns uf fer unser leepe fer iim kepe un ketaaft wëre.
2. Wii seechent Yeehoowa te mënx wën tee ketaaft wërt?
Wëns tuu ketaaft wërst, tan keheerst tuu tsu Yeehoowa sayn familye; tan wërst tuu xpiire Yeehoowa sayn liip uf fiile aate, un tayn fraayntxaft mit iim wërt imer noch xtërker. (Lees Malakias 3:16-18.) Yeehoowa wërt tan tayne Fater un tuu wërst uf te kans welt priiter un xwestere hon woo iim un tich liipe. (Lees Markus 10:29, 30.) Awer eeps tuu ketaaft wërst, must tuu etliche tinge mache. Tuu must lërne iwich Yeehoowa, iim liipe un aan sayne soon, Yeesus, klaape. Tsum xlus, must tuu tayn leepe fer Yeehoowa ferxpreche. Wëns tuu tiise tinge machst, un lost tich taafe, tan pist tuu am weech woo tsu tas eewiche leepe nëmt. Kot sayn Wort saat: “Ti taaf . . . tuut aach aych yets rete.” — 1 Pheeter 3:21.
LËRN MEE
Lërn warom es wichtich is tas tuu tayn leepe fer Yeehoowa kepst un wërst ketaaft.
3. Yeete eene mus raus suuche weem eyer tiine wil
In friirix Israël, hon etliche ketacht tas se khente Yeehoowa aan peete un, in te selwich tsayt, aach te falxe kot Paal. Awer Yeehoowa hot sayne profeet Eliias kexikt fer saan tas tas kans ferkheert weyer. Leest 1 Kheeniche 18:21. Noochte xprecht iwich tiise frooch:
-
Was muste ti israeliiter raus suuche?
Soo wii ti israeliiter, mise mer aach raus suuche weem mer tiine wole. Leest Lukas 16:13. Noochte xprecht iwich tiise frooche:
-
Etliche tenke tas se khene Yeehoowa aan peete un, in te selwich tsayt, aach anere tinge. Awer warom is tas net meechlich?
-
Wii khene mer tsayche fer Yeehoowa tas mer wole iim tiine?
4. Tenk aan wii seer Yeehoowa tich liipt
Yeehoowa hot uns fiil xeene kexenke kep. Was khene meyer iim kepe? Kukt te WIITEO.
Uf was fer aate tsaycht Yeehoowa tas tee tich liipt? Leest Psalm 104:14, 15 un 1 Yoohan 4:9, 10. Noochte xprecht iwich tiise frooche:
-
Was fer kexenke fon Yeehoowa tuun tich ti pest kefale?
-
Was xpiirst tuu iwich Yeehoowa wëns tuu aan tiise kexenke tenkst?
Host tuu xon mool soo een kexenk kriit woo tich aarich kefrayt hot? Kans sicher wolst tuu tan te persoon woo tich tas kep hot, tanke. Leest Teuteronoomyum 16:17. Noochte xprecht iwich tiise frooch:
-
Wëns tuu tenkst aan ti kanse xeene kexenke woo Yeehoowa tich xon kep hot, was teest tuu kërn mache fer iim?
5. Tayn leepe fer Yeehoowa kepe pringt fiil seechen
Fiil tenke tas famoos sin, een kuut aarwayt, orer fiil kelt hon, pringt frooheet. Meecht tas woer sin? Kukt te WIITEO. Noochte xprecht iwich tiise frooche:
-
Ale tëm Andrey fuuspal keliipt hot, warom hot tee noo kelos tsu xpiile?
-
Tee hat sayn leepe fer Yeehoowa kep, un net fer te fuuspal. Mënst tuu tee hët een kuut ëntxlus kemacht? Warom?
Eep te aphostel Phaul een krist kewoer is, hat tee ales fer sich een kroose naame mache foer ti layt. Tee hat kelërnt tas yiitix kesets mit eene fon te haupste leerer. Awer Phaul hat ales im xtich kelos fer een krist wëre. Meecht tee sich peroyt hon? Leest Filiper 3:8. Noochte xprecht iwich tiise frooche:
-
Warom hot Phaul kesaat tas was eyer eyerst kemacht hot, eep eyer een krist waar, weyer wii “trek”?
-
Was hot tee fertiint weeche ales was tee im xtich kelos hot?
-
Mënst tuu tas tayn leepe peser wërt wëns tuu Yeehoowa tiinst? Warom tenkst tuu soo?
Een krist sin hot Phaul fiil mee kep wii tas woo tee im xtich kelos hot
ETLICHE SAAN: “Ich wees tas tas ti woerheet is. Awer ich sich noch net fërtich fer mich taafe lose.”
-
Warom mënst tuu tas es weyer am weyert tayn leepe fer Yeehoowa kepe?
IN KHORTSE WËRTER
Ti liip muut uns uf fer unser leepe Yeehoowa kepe un ketaaft wëre.
Was hon mer kelërnt?
-
Warom fertiint Yeehoowa unser liip un aanpeetung?
-
Was fer seechen kept Yeehoowa fer sayn tiiner woo ketaaft sin?
-
Teest tuu kërn tayn leepe fer Yeehoowa kepe?
FER MEE WISE
Kuk warom een singerin un eene amerikanix fuuspal xpiiler raus kesuucht hon sayn leepe fer Yeehoowa kepe.
Ti yunge frooe — Was mache ich mit mayn leepe? — Traan erinere (6:54)
Lees iwich anere motiiwe fer tayn leepe tsu Yeehoowa kepe.
“Warom sol ich mayn leepe tsu Yeehoowa kepe?” (A Sentinela, 15te Yanuer 2010)
In tiise musik foerxtelung, mërk wii tii woo sayn leepe tsu Yeehoowa kep hon, sich fraye.
In tas leepes kexicht “Fer yoore lang, hon ich mich kefroot: ‘Was fer tswëk hot tas leepe?’”, mërk was een fraa keholef hot siin was tas haupste im leepe is.
“Ti Piipel tuut leepe ënere” (A Sentinela, 1te Nofemper 2012)
