LISYOON 47

Pist tuu fërtich fer tich taafe lose?

FOERXPIILE

Tuu host xon fiil iwich Yeehoowa kelërnt torich tayne Piipel xtuutyum. Is meechlich tas tuu xon ënerunge kemacht host fer aan wëne was tuu kelërnt host. Awer khan sin tas etwas tich tsurik halt fer tayn leepe fer Yeehoowa kepe un ketaaft wëre. In tiise lisyoon, wëre mer siin was khent tich tsurik hale fer ketaaft wëre un was tuu mache khanst fer too temit um keen.

1. Wii kuut must tuu ti Piipel khëne fer tich taafe lose?

Fer tich taafe lose, must tuu “een kenau khëntnis fon te woerheet” hon. (1 Timoteus 2:4) Tas petayt net tas tuu must ti antwort wise fer ale frooche woo se tich iwich ti Piipel mache khene. Soo kaar tii woo xon ketaaft sin fer een lang tsayt, tuun foran iwich Yeehoowa lërne. (Koloser 1:9, 10) Awer tuu must khëne ti haupste inlërnunge fon Kot sayn Wort. Ti elteste khene tich helfe raus kriin eps tuu xon kenuuch kelërnt host fer tich taafe lose.

2. Was must tuu mache fer tich taafe lose?

Eeps tuu tich taafe lost, must tuu tich ‘peroye un rom treye’. (Lees Aphostele sayn Kexicht 3:19.) Tas petayt tas tuu must tich wërklich peroye fon ales was tuu ferkheert kemacht host un ferlange tas Yeehoowa sol tich fertsaye. Tas petayt aach tas tuu pextimt pist fer leepe soo wii Yeehoowa wil, un net mache was fer tëm ferkheert is. Tuu must aach uf ti fersamlunge keen un mit te kemaynt preetiche.

3. Warom prauchst tuu khee angst hon fer tich taafe lose?

Etliche hon im xtant angst tas se khente net mache ales was se Yeehoowa ferxproch hon. Is woer tas tuu als mool etwas ferkheertes machst. Soo kaar troye mëner un fraae, woo in te Piipel kenënt sin, hon als mool feeler kemacht. Awer erinert tich tas Yeehoowa net waart tas sayn tiiner sole perfekt sin. (Lees Psalm 103:13, 14.) Tee frayt sich wëns tuu tayn pestes machst, un tee wërt tich helfe. In woerheet, Yeehoowa kept uns ti sicherheet tas niks khan uns “fon Kot sayn liip aus naner mache”. — Lees Romaaner 8:38, 39.

LËRN MEE

Peser Yeehoowa khëne un sayn hilef aan nëme khan tich ti kraft kepe fer ti xwiirichkheete iwerkhome woo tich tsurik hale fer ketaaft wëre.

4. Lërn Yeehoowa peser khëne

Wii kuut must tuu Yeehoowa khëne eeps tuu tich taafe lost? Tuu must Yeehoowa soo kuut khëne tas tuu tee liipst un wilst iim kefale. Kukt te WIITEO fer wise was ti Piipel xtutente in te kans welt kemacht hon fer Yeehoowa peser khëne lërne. Noochte xprecht iwich tiise frooch:

WIITEO: Te weech tsu te taaf (3:56)

Im wiiteo, was hot etliche layt keholef sich foer perayte fer ti taaf?

Leest Romaaner 12:2. Noochte xprecht iwich tiise frooche:

Host tuu tswayfele iwich was ti Piipel in lërnt? Host tuu tswayfele tas Yeehoowa sayn Tsayer ti woerheet in lërne?
Wëns tuu tswayfele host, was khanst tuu mache?

5. Xwiirichkheete iwerkhome fer sich taafe lose

Meyer al mache xwiirichkheete mit wën mer wole unser leepe fer Yeehoowa kepe un ketaaft wëre. Kuk een payxpiil im WIITEO. Noochte xprecht iwich tiise frooche:

WIITEO: Yeehoowa liipe heleft xwiirichkheete iwerkhome (5:22)

Im wiiteo, was fer xwiirichkheete must Narangerel iwerkhome fer Yeehoowa tiine?
Wii hat ti liip woo Narangerel hat tsu Yeehoowa iir keholef ti xwiirichkheete iwerkhome?

Leest Xpriiche 29:25 un 2 Timoteus 1:7. Noochte xprecht iwich tiise frooch:

Was kept uns koraaj fer xwiirichkheete iwerkhome?

6. Trau uf Yeehoowa sayn hilef

Yeehoowa wërt tich helfe iim kefale. Kukt te WIITEO. Noochte xprecht iwich tiise frooche:

WIITEO: Yeehoowa tuut tich helfe (2:50)

Im wiiteo, was hot een xtutent fon te Piipel tsurik kehal fer sich taafe lose?
Was hat sayn fertraung aan Yeehoowa ferxtërkt?

Leest Isayas 41:10, 13. Noochte xprecht iwich tiise frooch:

Wëns tuu tayn leepe fer Yeehoowa kepst, wii khanst tuu tich sicher sin tas es meechlich is mache was tuu iim ferxproch host?

7. Say imer mee petanklich tsu Yeehoowa sayn liip

Tenke aan wii seer Yeehoowa tich liipt, wërt ferkreese tayn petanklichkheet un tayne wunx fer iim tiine fer imer. Leest Psalm 40:5. Noochte xprecht iwich tiise frooch:

Was fer fon Yeehoowa sayn seechen tuun tich ti pest kefale?

Te profeet Yeeremias hot Yeehoowa un sayn Wort keliipt. Tee hat fiil weyert kep fer ti kroos eere woo tee hat fer Yeehoowa tiine. Yeeremias saat: “Tayn wort is ti frayt un ti frooheet fon mayn hërts kewoer, wayl ich traan tayne naame, oo Yeehoowa.” (Yeeremias 15:16) Antwort tiise frooche: