Kuute fraaynte hon, macht unser leepe peser. Ti xeene momënte sin mit iir noch xeener, un ti xweyere tsayte sin mit iir laychter tsu um keen. Awer ti Piipel saat tas net ale layt kuute fraaynte sin. Tan, wii khanst tuu kuute fraaynte raus suuche? Tenk aan tiise frooche.

1. Wii khene tayn fraaynte tich influentsiire?

Soo fiil mee tsayt wii mer mit yemant rom pringe, torich internet orer perseenlich, soo fiil mee fange mer aan tsu tenke un uns aan xtele wii tee. Tas khan kuut sin, awer tas khan aach xlecht sin, soo wii ti Piipel saat: “Weer mit kluuche layt um keet, wërt kluuch, awer weer sich mit te tume halt, [layt woo Yeehoowa net liipe], keets xlecht.” (Xpriiche 13:20) Fraaynte woo Yeehoowa liipe un tiine khene tich helfe tichter tsu Kot khome un kuute ëntxlise mache. Awer fraaynte woo net Yeehoowa liipe khene tich wech hale fon iim. Tes weeche, muut ti Piipel uns uf tas mer sole kuute fraaynte raus suuche. Wën unser fraaynte layt sin woo Kot liipe, is es kuut fer uns un aach fer tëne. Soo, khene mer “eene ti anere uf muute”.  —  1 Thesalooniker 5:11.

2. Wii khan Yeehoowa sich xpiire iwich ti sorte fraaynte woos tuu raus suuchst?

Yeehoowa suucht kuut sayn fraaynte raus. Tee hot “ëng fraayntxaft mit te kerechte”. (Xpriiche 3:32) Wii khent Yeehoowa sich xpiire wën mer teete raus suuche fraaynte woo iim net liipe? Tee teet aarich traurich mit uns wëre! (Lees Tyako 4:4.) Awer wën mer uns wech hale fon xlecht keselxaft un suuche fraaynte raus woo Yeehoowa liipe, tan wërt tee sich fraye un wërt uns raus suuche fer sayn fraaynte sin.  —  Psalm 15:1-4.

LËRN MEE

4. Layt woo anerste sin wii meyer khene unser kuute fraaynte wëre

Ti Piipel xprecht iwich tswaay mëner fon friirix Israël — Yoonatan un Tawi. Yoonatan waar tëm kheenich sayne soon un waar fiil elter wii Tawi, awer toch hon ti tswaay een xtark fraayntxaft kehat. Leest 1 Samuël 18:1. Noochte xprecht iwich tiise frooch:

• Warom is es ekaal wii alt unser fraaynte sin orer ep se fiil orer weenich kelt hon?

Leest Romaaner 1:11, 12. Noochte xprecht iwich tiise frooch:

• Wii khene fraaynte woo Yeehoowa liipe eene te anere uf muute?

Kukt im WIITEO wii eene yunge fraaynte kefun hot uf pletse woo eyer kaar net ketenkt hot. Noochte xprecht iwich tiise frooche:

• Im wiiteo, warom hon Akil sayn eltere sich ketanke kemacht iwich ti fraayntxafte woo tee hat in te xuul?

• Warom hat Akil fraayntxaft kemacht mit tiise yunge?

• Was hot tee kemacht fer sich net soo aleen xpiire?

5. Wii kuute fraayntxafte hon

 IN KHORTSE WËRTER

Unser fraaynte kuut raus suuche is kuut fer uns un kefalt Yeehoowa.

Was hon mer kelërnt?

• Warom is es wichtich fer Yeehoowa was fer fraaynte meyer hon?

• Was fer sort fraayntxaft sole mer net hon?

• Wii khanst tuu een xtark fraayntxaft hon mit te richtich sort layt?