LISYOON 50
Wii een froo familye hon
Ti khiner sin een kexenk fon Yeehoowa un tee waart tas ti eltere sole tas kexenk kuut uf phase. Yeehoowa kept kuute aanreete fer ti eltere helfe tas mache. Kot sayn aanreete helfe aach ti khiner iire teel mache tas ti familye froo khan sin.
1. Was fer aanreete kept Yeehoowa fer ti eltere?
Yeehoowa wil tas ti eltere ti khiner liipe sole un soo fiil tsayt wiis meechlich is mit tëne rom pringe. Tee wil aach tas ti eltere iire khiner xitse un piiplixe oryentiirunge penutse fer se in lërne. (Xpriiche 1:8) Tee saat fer ti fatere: ‘Tsiit wayter ayre khiner in Yeehoowa sayn inlërnung.’ (Lees Ëfeser 6:4.) Yeehoowa frayt sich wën ti eltere aan heere tiise oryentiirunge. Tee frayt sich aach wën ti eltere sich ti responsapiliteet nëme fer ti khiner tsiie un waarte net tas anere tas mache sole.
2. Was fer aanreete kept Yeehoowa fer ti khiner?
Yeehoowa saat fer ti khiner: “Heert ayre eltere in ales aan.” (Lees Koloser 3:20.) Wën ti khiner iire eltere aan heere un respektiire, fraye se Yeehoowa un ti eltere fraye sich aach. (Xpriiche 23:22-25) Yeesus hot een kuut payxpiil kep wii eyer een khint waar. Tee waar perfekt, awer toch, hot tee sayn eltere aan keheert un respektiirt, ale tëm se imperfekt waare. — Lukas 2:51, 52.
3. Wii khan ti familye sayn fraayntxaft mit Yeehoowa ferxtërke?
Wëns tuu fater orer muter pist, sicher wilst tuu tas tayn khiner Yeehoowa liipe sole soo wiis tuu. Wii tas hin kriin? Mache was ti Piipel saat: “Tuu must [Yeehoowa sayn wërter] in tayne khiner in xafe un fon tëne xpreche wëns tuu in tayn haus setst, ufm weech keest.” (Teuteronoomyum 6:7) “In xafe” petayt imer wiiter tas selwiches saan. Sicher weest tuu tas fer ti khiner etwas in te ketanke pehale, must tuu tas oft mools saan. Tan petayt tiise tekst tas tuu must yeete keleechenheet penutse fer iwich Yeehoowa xpreche mit tayn khiner. Een kuute plaan is yeete woch tsayt lose fer ti familye mitsamer Yeehoowa aan peete. Wëns tuu khee khiner host, is es aach kuut een tsayt lose fer ti Piipel xtutiire yeete woch.
LËRN MEE
Kuk foerxlache woo khene ti kans familye helfe sich froo un kexitst xpiire.
4. Lërn ti khiner in mit liip
Khiner in lërne is net laycht. Wii khan ti Piipel helfe? Leest Tyako 1:19, 20. Noochte xprecht iwich tiise frooche:
-
Wii khene ti eltere liip tsayche wën se mit iire khiner xpreche?
-
Warom sol ti mama orer te papa nii tas khint tisipliniire wën se wuutich sin? a — Kukt ti noote.
5. Phas tayn khiner kuut uf
Fer tayn khiner kuut uf phase, is es wichtich iwich sëks xpreche, wëns tuu tich aach een pisye xeemst fer tas mache. Kukt te WIITEO. Noochte xprecht iwich tiise frooche:
-
Warom is es xweer fer etliche eltere iwich sëks mit iire khiner xpreche?
-
Wii hon etliche eltere iwich sëks kexproch?
Soo wii ti Piipel saat, in Satanaas sayn welt kepts yeetes mool mee xlechtichkheet. Leest 2 Timoteus 3:1, 13. Noochte xprecht iwich tiise frooch:
-
Te wërs 13 xprecht iwich xlechte layt, un meyer wise tas etliche fon tëne seksuaale xaate fer khiner mache. Soo, warom is es wichtich tas ti eltere mit iire khiner iwich sëks xpreche un se in lërne wii sich xitse fon tiise xlechte layt?
Wust tuu?
Yeehoowa sayn Tsayer hon fiil puplikatsyoone woo ti eltere helfe mit iire khiner xpreche iwich sëks un se in lërne wii sich xitse fon xlechte layt woo seksuaale xate mache khene. Kuk phaar payxpiile:
6. Respektiir tayn eltere
Khiner un yunge tsayche tas se iire eltere respektiire in ti aat wii se mit tëne xpreche. Kukt te WIITEO. Noochte xprecht iwich tiise frooche:
-
Warom is es kuut tas ti yunge sich aan xtrenge fer mit iire eltere fertseele?
-
Wii khan een yunge mit respëkt mit sayn eltere xpreche?
Leest Xpriiche 1:8. Noochte xprecht iwich tiise frooch:
-
Wii sol een yunge sich aan xtele wën sayn eltere saan tas tee etwas mache sol?
7. Yeehoowa als familye aan peete
Familye woo Yeehoowa sayn Tsayer sin lose yeete woch een tsayt fer mitsamer ti Piipel xtutiire. Wii khan tiise xtuutyum kemacht wëre? Kukt te WIITEO. Noochte xprecht iwich tiise frooche:
-
Wii khanst tuu een reekelmeesich familye aanpeetung hon?
-
Wii khanst tuu ti familye aanpeetung in richte tas ti khiner lërne un aach xpas too traan hon? — Kukt tas pilt am aanfang fon te lisyoon.
-
Weyer tas xweer ti familye aanpeetung mache? Warom?
In friirix Israël, wolt Yeehoowa tas ti familye selte reekelmeesich iwich ti Xrifte xpreche. Leest Teuteronoomyum 6:6, 7. Noochte xprecht iwich tiise frooch:
-
Wii khanst tuu tiise oryentiirunge aan wëne?
Foerxlache fer ti familye aanpeetung mache:
-
Fersamlunge foer perayte.
-
Een kexicht fon te Piipel leese un too triwer xpreche.
-
Wëns tuu kleene khiner host, mach te download orer truk ap een aktiwiteet fer khiner im site jw.org.
-
Wëns tuu yunge khiner host, xprech iwich een artikel fer yunge im site jw.org.
-
Een kleene theaater iwich een piiplix kexicht mit te khiner mache.
-
Een wiiteo fom site jw.org kuke un too triwer fertseele.
ETLICHE SAAN: “Ti Piipel is tsu xweer fer ti khiner.”
-
Was teest tuu saan?
IN KHORTSE WËRTER
Yeehoowa wil (1) tas ti eltere iire khiner liipe, in lërne un xitse, (2) tas ti khiner iire eltere aan heere un respektiire, un (3) tas ti familye iim mitsamer aan peet.
Was hon mer kelërnt?
-
Wii khene ti eltere iire khiner in lërne un xitse?
-
Wii khene ti khiner tsayche tas se iire eltere respektiire?
-
Warom is es kuut ti familye aanpeetung mache yeete woch?
FER MEE WISE
Wii khene mer ti khiner een kuute aanfang im leepe kepe?
“Seks tinge woo ti khiner fer tas leepe prayche” (Wacht uf! Nr. 2 2019)
Lees iwich aanreete woo ti Piipel kept fer tëne woo iire eltere uf phase.
“Was saat ti Piipel iwich eltere uf phase?” (Artikel fom jw.org)
Kuk wii eene man woo wust net wii sayn khiner tsiie een kuute papa kewoer is.
“Yeehoowa hot uns in kelërnt wii unsere khiner tsiie” (5:58)
Lees wii een papa een xtark fraayntxaft khan hon mit sayne soon.
“Wii khan eene fater een ëng ferheltnis mit sayne soon hon?” (A Sentinela, 1te Nofemper 2011)
a Noote: In ti Piipel, tas wort “tisipliin” hot tsu tuun mit in lërne, oryentiire un korikiire. Es petayt nii tas khint xlecht pehantele orer krop sin. — Xpriiche 4:1.
