LISYOON 51
Wii khene mer Yeehoowa fraye mit was mer saan?
Yeehoowa hot uns een seer xeen kexenk kep — xpreche. Meecht tas wichtich sin fer iim ti aat wii mer tas kexenk penutse? Kans sicher! (Lees Tyako 1:26.) Wii khan ti aat wii mer xpreche Yeehoowa kefale?
1. Wii khene mer unser wërter kuut penutse?
Ti Piipel saat: “Tuut wayter eene ti anere uf muute un ferxtërke.” (1 Thesalooniker 5:11) Khënst tuu yemant woo ti muut ferloer hot? Was khenst tuu mache fer tas tee sich peser xpiire teet? Los te persoon wise tas tuu tich um iim khimerst. Im xtant khanst tuu tee loope fer ti xeene kwaliteete woo tee hot. Tas kept soo fiil xeene piiplixe tekste; fiilaycht khenst tuu eene raus suuche woo kuut weyer fer tëm sayn situatsyoon. Un erinerst tich tas es wichtich is net ploos was tuu saast awer aach wiis tuu tas saast. Tes weeche, xprech imer in een tsaam un kuut aat. — Xpriiche 15:1.
2. Was fer sort kexpreech sole mer net hon?
Ti Piipel saat: “Khee xlecht wort sol aus ayre munt khome.” (Lees Ëfeser 4:29.) Tas petayt tas mer sole net trekiche wërter penutse orer etwas kropes orer xlechtes saan fer yemant pelaytiche. Un noch, mer sole net ratxe un net xlecht xpreche iwich anere. — Lees Xpriiche 16:28.
3. Was khan uns helfe kuutes xpreche?
Ti meyerst tsayt, xpreche mer iwich was mer in te ketanke un im hërts hon. (Lukas 6:45) Tes weeche, mise mer uns aan xtrenge fer tenke aan kuute un positiiwe tinge — woo kerecht sin, woo rayn sin, woo ti liip uf muute un woo kuut triwer kexproch wëre. (Filiper 4:8) Soo, is es wichtich kuut raus suuche unser fraaynte un unser ferkniichung. (Xpriiche 13:20) Tas is aach kuut tenke eep mer xpreche. Tenk wii ti anere aan nëme was tuu saast. Ti Piipel saat: “Xpreche oone se tenke is wii ti xtiche fon een xwaart, awer ti tsung fom kluuche tuut heele.” — Xpriiche 12:18.
LËRN MEE
Lërn wiis tuu khanst Yeehoowa kefale in te aat wiis tuu xprechst un aach wiis tuu khanst anere uf muute mit tayn wërter.
4. Tenk aan was tuu saast
Als mool, saan mer etwas woo xpeeter uns layt tuut. (Tyako 3:2) Leest Kalater 5:22, 23. Noochte xprecht iwich tiise frooche:
-
Tiise tekst xprecht iwich fiil kwaliteete woo tich helfe khene wise was saan. Was fer een teest tuu kërn fer Yeehoowa ferlange? Wii khene tiise kwaliteete tich helfe?
Leest 1 Korinter 15:33. Noochte xprecht iwich tiise frooch:
-
Wii khene unser fraaynte un unser ferkniichung influentsiire ti aat wii mer xpreche?
Was khan influentsiire ti aat wii mer xpreche?
Leest Eklesyastes 3:1, 7. Noochte xprecht iwich tiise frooch:
-
Wën weyer tas peser ruych plaype orer waarte uf een peser xtun fer etwas saan?
5. Xprech kuut iwich ti anere
Was khene mer mache fer anere net pelaytiche mit was mer saan? Kukt te WIITEO. Noochte xprecht iwich tiise frooche:
-
Im wiiteo, warom wolt te pruuter ënere ti aat wii eyer iwich anere kexproch hot?
-
Was hot tee kemacht fer sich ferënere?
Leest Eklesyastes 7:16. Noochte xprecht iwich tiise frooch:
-
Aan was sole mer tenke wën uns in ti ketanke khomt was xlechtes iwich een aner xpreche?
Leest Eklesyastes 7:21, 22. Noochte xprecht iwich tiise frooch:
-
Wii khene tiise tekste helfe wën yemant xlecht xprecht iwich tich?
6. Say liiplich wëns tuu mit tayn familye xprechst
Yeehoowa wil tas mer liipliche un kuute wërter penutse wën mer mit unser familye xpreche. Kukt te WIITEO. Noochte xprecht iwich tiise frooch:
-
Was khan tich helfe in een kuut un liiplich aat mit tayn familye xpreche?
Leest Ëfeser 4:31, 32. Noochte xprecht iwich tiise frooch:
-
Meyer wole xpreche mit unser familye in een aat tas se xpiire tas mer se liipe. Wii khene mer tas mache?
Yeehoowa saat tas eyer sayne Soon liipt. Leest Matheus 17:5. Noochte xprecht iwich tiise frooch:
-
Wii khanst tuu Yeehoowa noo mache wëns tuu mit tayn familye xprechst?
Suuch keleenchenheete fer anere loope
ETLICHE SAAN: “Ich saan was ich tenke, ekaal ep tas te anert tiint orer net.”
-
Tenkst tuu aach soo? Warom?
IN KHORTSE WËRTER
Ti wërter hon kraft. Tes weeche, mise mer uns kuut iwerleye was mer saan, wii mer tas saan un wën mer tas saan.
Was hon mer kelërnt?
-
Wii khene mer unser wërter kuut penutse fer anere helfe?
-
Was fer sort kexpreech sole mer net hon?
-
Was khan uns helfe liiplich sin un anere uf muute mit unser wërter?
FER MEE WISE
Was khan uns helfe kuutes xpreche?
Kuk was tich helfe khan noo lose tsu trekiche wërter saan.
“Meecht tas wërklich soo was xlechtes sin trekiche wërter saan?” (Artikel fom jw.org)
Kuk was tuu mache khanst fer net xlecht iwich anere xpreche.
Lees wii Yeehoowa een man keholef hot noo lose trekiche wërter saan.
“Ich hon aan kefang se tenke was ich mit mayn leepe mache teet.” (A Sentinela, 1te Akust 2013)
