LISYOON 53

Wii tayn ferkniichung kuut raus suuche

FOERXPIILE

Yeehoowa is te “frooe Kot”. (1 Timoteus 1:11) Tee wil tas mer sole froo sin, kuut unser leepe penutse, un aach tas mer uns aus ruue fon unser aarwayt. In tiise lisyoon wëre mer siin wii unser fray tsayt kuut penutse, oone ferkese Yeehoowa kefale.

1. Aan was sole mer tenke wën mer unser ferkniichung raus suuche?

Mit was pringst tuu tayn fray tsayt rom? Etliche plaype kërn tehëm — leese een puuch, horiche musik orer kuke etwas in te internet. Anere tuun net kërn setse plaype; tii tuun liipe laafe keen, xwime orer een xpiil xpiile mit iire fraaynte. Ekaal was mer raus suuche, mer mise uns sicher sin tas unser ferkniichung “tëm Hër kefalt”. (Ëfeser 5:10) Tas is wichtich too traan tenke, wayl fiil suuche raus fer sich ferkniiche tinge woo tsu tuun hon mit was Yeehoowa hast, soo wii wyolënts, seksuaal imoraaliteet un okultismus. (Lees Psalm 11:5.) Was khan uns helfe kuut unser ferkniichung raus suuche?

Wën unser fraaynte Yeehoowa liipe, tan khene se een kuut influens sin fer uns, un uns helfe een kuut ferkniichung raus suuche. Soo wii mer in ti lisyoon 48 kelërnt hon, “weer mit kluuche layt um keet, wërt kluuch”, awer wën mer lang tsayt rom pringe mit layt woo net Yeehoowa sayn kesetse liipe, ‘keets uns xlecht’. — Xpriiche 13:20.

2. Warom is es wichtich net soo fiil tsayt rom pringe mit ferkniichunge?

Wën ti ferkniichung woo mer raus suuche aach kuut khan sin, mise mer uf phase fer net tsu fiil tsayt too mit rom pringe, sonst khent uns tsayt feele fer wichtiche aktiwiteete mache. Ti Piipel muut uns uf fer unser “tsayt in te pest aat” penutse. — Lees Ëfeser 5:15, 16.

LËRN MEE

Lërn wiis tuu khanst kuut tayn ferkniichunge raus suuche.

3. Hal tich wech fon tinge woo Yeehoowa net kefale

Warom sole mer kuut unser ferkniichung raus suuche? Kukt te WIITEO. Noochte xprecht iwich tiise frooche:

WIITEO: Was fer ferkniichung sol ich raus suuche? (4:39)

Wii klayche sich ti klatyatoore khëmpfe fom friirix Roma mit etliche ferkniichunge woos hayt se taach kept?
Im wiiteo, was hot Tanyël kelërnt iwich ferkniichung?

Leest Romaaner 12:9. Noochte xprecht iwich tiise frooch:

Wii khan tiise tekst helfe unser ferkniichung raus suuche?

Was sin etliche tinge woo Yeehoowa hast? Leest Xpriiche 6:16, 17 un Kalater 5:19-21. Noochte xprecht iwich tiise frooch:

Was fer tinge woo kenënt sin in tiise wërse siit ma in etliche ferkniichunge hayt se taach?

Wii ti ferkniichung kuut raus suuche

Tenk mool:

Was? Meecht tiise ferkniichung tsu tuun hon mit etwas woo Yeehoowa hast?
Wën? Meecht tiise ferkniichung tsayt wech neme fon wichtiche aktiwiteete?
Weer? In tiise ferkniichung, meecht ich reekelmeesich kontakt hon mit persoone woo Yeehoowa net liipe?

Te pest is wën mer uns kans wayt wech hale fon was kefeerlich is. Tan wën mer tswayfele hon ep een ferkniichung xlecht is orer net, is es te pest tas mer uns too fon wech hale.

4. Penuts tayn tsayt mit kluucheet

Kukt te WIITEO. Noochte xprecht iwich tiise frooch:

WIITEO: Weer kontroliirt tayn tsayt? (2:45)

Te pruuter im wiiteo hot niks ferkheertes kekukt, awer was waar tëm sayne propleem?

Leest Filiper 1:10. Noochte xprecht iwich tiise frooch:

Wii khan tiise tekst uns helfe ëntxlise wii fiil tsayt rom pringe mit ferkniichung?

5. Suuch ferkniichunge raus woo kuut tuun

Tas is woer tas etliche ferkniichunge Yeehoowa net kefale, awer tas kept fiil kuute tinge woos tuu mache khanst fer tich ferkniiche. Leest Eklesyastes 8:15 un Filiper 4:8. Noochte xprecht iwich tiise frooch:

Was fer sort ferkniichung host tuu kërn?

Tas kept fiil sorte ferkniichunge woo kuut sin

ETLICHE SAAN: “Too is khee propleem film kuke orer een puuch leese woo wyolënts, imoraaliteet orer okultismus pringt, wayl ich tuun tas net mache.”