LISYOON 55

Xtits tayn Kemaynt

FOERXPIILE

Xtits tayn Kemaynt

Uf ti kans welt kepts tausente kemaynte woo milyoone mënxe Yeehoowa mit frayt tiine. Tiise mënxe kepe kroos weyert tsu ti oryentiirunge woo se tat kriin un wole ti kemaynt xtitse. Is tas aach soo wiis tuu tich xpiirst iwich tayn kemaynt?

1. Wii khanst tuu ti kemaynt xtitse mit tayn tsayt un kraft?

Yeete eene fon uns khan helfe in te kemaynt. Tsum payxpiil, kept tas in tayn kemaynt, fiilaycht, elter orer kranke priiter? Khenst tuu tii helfe uf ti fersamlunge khome? Orer, im xtant, khanst tuu helfe uf anere aate, wii khaafe keen fer iir orer helfe tas haus sauwer mache. (Lees Tyako 1:27.) Meyer khene aach helfe te Raych Saal sauwer mache un in te ray xtele. Nimant is ketswung fer tiise tinge mache; ti liip woo mer tsu Yeehoowa un tsu unser priiter hon, is was uns uf muut fer ‘uns fraywilich aan piite’. — Psalm 110:3.

Yeehoowa sayn Tsayer woo xon ketaaft sin khene noch helfe uf anere aate in te kemaynt. Tsum payxpiil, ti priiter khene sich aan xtrenge fer tiine wii ministeryaale tiiner un elteste. Priiter un xwestere khene pyoneer sin fer ti preetich aarwayt xtitse. Fer etliche fon Yeehoowa sayn Tsayer, is es meechlich helfe aan ti paueray fon pletse fer Yeehoowa aan peete. Anere wanere hin uf pletse woo ti kemaynt hilef prauch.

2. Wii khene mer ti kemaynt xtitse mit was mer hon?

Meyer khene ‘Yeehoowa eere mit unser kiltiche tinge’. (Xpriiche 3:9) Tas is etwas xeenes ti kemaynt un ti weltswayt preetich aarwayt mit kelt un anere mitele xtitse khene. (Lees 2 Korinter 9:7.) Was mer tsu kepe, khan aach penutst wëre fer umaniteer hilef. Fiil ëntxlise etwas “neewer hin leye”, tas is, yeete woch orer yeete moonat etwas kelt neewer tuun fer een kontripuytsyoon kepe. (Lees 1 Korinter 16:2.) Meyer khene etwas kelt in te kelts khaste im Raych Saal tuun, orer im site donate.pr418.com. Ti aat wii mer unser kelt un anere mitele penutse, kept uns ti keleechenheet fer Yeehoowa tsayche tas mer iim liipe.

LËRN MEE

Lërn wiis tuu ti kemaynt xtitse khanst.

3. Tuu khanst ti kemaynt xtitse mit kelt

Yeehoowa un Yeesus liipe tii woo kërn etwas kepe. Tsum payxpiil, Yeesus hot kesiin wii een aarem witfraa phaar nikele kep hot. Leest Lukas 21:1-4. Noochte xprecht iwich tiise frooche:

Meechte mer mise fiil kelt kepe fer Yeehoowa kefale?
Wii xpiire sich Yeehoowa un Yeesus wën mer etwas hërtslich tsu kepe?

Fer wise wii tas kelt woo mer kepe penutst wërt, kukt te WIITEO. Noochte xprecht iwich tiise frooch:

WIITEO: ‘Een kexenk fer Yeehoowa’ (4:47)

Wii wërt tas kelt penutst fer ti kemaynte in ti kans welt helfe?

4. Meyer khene uns aan piite fer helfe

Yeehoowa sayn friirixe tiiner hon kërn keholef uf phase ti pletse woo Yeehoowa aan kepeet is woer, un fer tas waar es neetich mee wii kelt. Leest 2 Kroonike 34:9-11. Noochte xprecht iwich tiise frooch:

Wii hon ti israeliiter keholef te thempel uf phase?

Fer siin wii Yeehoowa sayn Tsayer tiise piiplix payxpiil noo mache, kukt te WIITEO. Noochte xprecht iwich tiise frooche:

WIITEO: Tuu tayn Raych Saal kuut uf phase (3:31)

Warom is es wichtich te Raych Saal sauwer un in ortnung hale?
Wii khanst tuu helfe?

5. Ti priiter khene sich aan xtrenge fer mee mache fer ti kemaynt

Ti Piipel muut ti kristliche mëner uf fer sich aan xtrenge fer ti kemaynt xtitse. Fer een payxpiil siin, kukt te WIITEO. Noochte xprecht iwich tiise frooch:

WIITEO: Priiter — xaft fer Yeehoowa (5:19)

Im wiiteo, was hot Rayan kemacht fer ti kemaynt mee helfe?

In te Piipel xteet ti kwaliteete woo ti priiter mise hon fer tiine wii ministeryaale tiiner un elteste. Leest 1 Timoteus 3:1-13. Noochte xprecht iwich tiise frooche:

Was fer kwaliteete mise ti priiter hon woo wole tiine wii ministeryaale tiiner un elteste?
Was wërt kewaart fon tëne sayn familye? — Kukt ti wërse 4 un 11.
Wën ti priiter sich aan xtrenge fer tiise kwaliteete ëntwikele, wii khan tas nutslich sin fer ti kans kemaynt?