LISYOON 60

Ferxtërk foran tayn fraayntxaft mit Yeehoowa

FOERXPIILE

In tiise Piipel xtuutyum, host tuu fiil iwich Yeehoowa kelërnt. Un ales woos tuu iwich iim kelërnt host, hot tayn liip tsu iim ferxtërkt. Fiilaycht host tuu xon tayn leepe fer iim kep un tich taafe kelos. Wën net, im xtant, tenkst tuu aan tiise xrit hatich kepe. Awer te taaf is net tas ën. Tuu must foran tayn fraayntxaft mit Yeehoowa ferxtërke fer imer. Wii khanst tuu tas mache?

1. Warom must tuu foran tayn fraayntxaft mit Yeehoowa ferxtërke?

Meyer mise foran uns aan xtrenge fer unser fraayntxaft mit Yeehoowa ferxtërke. Warom? “Tas meyer uns nii ap lenke” fon iim. (Hepreeyer 2:1) Was khan uns helfe Yeehoowa foran troy tiine? Meyer mise flaysich te preetich aarwayt mache un aate suuche fer imer mee fer Yeehoowa mache. (Lees Filiper 3:16.) Yeehoowa tiine is tas pestes woo mer khene mache im leepe! — Psalm 84:10.

2. Was noch must tuu foran mache?

Ale tëm tiise Piipel xtuutyum yets am ën is, tayn leepe wii Yeehoowa sayn tiiner is kraat am aan fange. Ti Piipel saat tas mer mise uns “mit te nay personaliteet aan tsiie”, tas is, mer mise Yeehoowa sayn personaliteet noo mache soo kuut wii mer khene. (Ëfeser 4:23, 24) Fer tas mache, mise mer foran ti Piipel xtutiire un uf ti fersamlunge keen. Wën mer foran was nayes iwich Yeehoowa un sayn kwaliteete lërne un mache ti neetiche ënerunge in unser leepe, tan wëre mer Yeehoowa, unser Fater, sayn hërts fraye.

3. Wii wërt Yeehoowa tich helfe im klaape xtark plaype?

Ti Piipel saat: “Kot . . . tuut ayre iipung fërtich pringe. Tee tuut aych fest mache, tee tuut aych xtark hale, tee tuut aych fest xtele.” (1 Pheeter 5:10) Meyer al mache als mool fersuuchunge mit, awer Yeehoowa kept uns was neetich is fer foran troy tsu iim plaype. (Psalm 139:23, 24) Tee ferxprecht tich kepe te wunx un kraft fer iim troy tiine. — Lees Filiper 2:13.

LËRN MEE

Lërn wiis tuu khanst foran tayn fraayntxaft mit Yeehoowa ferxtërke un wii tëm sayn seechen in tayn leepe kriin.

4. Xprech imer mit tayn peste Fraaynt

Peete un ti Piipel xtutiire heleft tich Yeehoowa sayn fraaynt sin. Awer wii khene tiise kuute kewoonheete tich helfe tayn fraayntxaft mit Yeehoowa wayter fertiife?

Leest Psalm 62:8. Noochte xprecht iwich tiise frooch:

Was khenst tuu in tayn kepeet ferpesere fer tayn fraayntxaft mit Yeehoowa ferxtërke?

Leest Psalm 1:2 un ti noote. Noochte xprecht iwich tiise frooch:

Was khanst tuu in tayn Piipel leesung ferpesere fer tayn fraayntxaft mit Yeehoowa wayter ferxtërke?

Wii khanst tuu een peser perseenliche xtuutyum mache? Kukt im WIITEO etliche foerxlache. Noochte xprecht iwich tiise frooche:

WIITEO: Mach een tiif persoonlich xtuutyum fon te Piipel (5:22)

Was fer een fon tiise foerxlache teest tuu kërn aan wëne?
Iwich was fer sache teest tuu kërn xtutiire?

5. Xtel tich spirituaale tsiile

Spirituaale tsiile hon wërt tich helfe tayn fraayntxaft mit Yeehoowa ferxtërke. Kukt te WIITEO. Noochte xprecht iwich tiise frooch:

WIITEO: Tas peste leepe (3:31)

Warom was kuut fer Cameron spirituaale tsiile xtele?

Net al khene wanere tsu een aner lant fer in te preetich aarwayt helfe. Awer meyer al khene spirituaale tsiile hon. Leest Xpriiche 21:5. Noochte xprecht iwich was fer tsiile tuu kërn tich xtele wilst . . .

in ti kemaynt.
in ti preetich aarwayt.

Wii khan tiise tekst tich helfe tiise tsiile erayche?

Tsiile woos tuu xtele khenst

Tayn kepeete ferpesere.
Ti Piipel kans torich leese.
Ale kaar in te kemaynt khëne lërne.
Aan fange een Piipel xtuutyum fiire.
Tiine wii hilef orer rekulaar pyoneer.
Wëns tuu een pruuter pist, mach ales was tuu khanst fer een ministeryaale tiiner wëre.

6. Los tich kuut keen im leepe fer imer!

Leest Psalm 22:26. Noochte xprecht iwich tiise frooch:

Was khanst tuu mache fer yets un fer imer een kuut un kliiklich leepe hon?

IN KHORTSE WËRTER

Ferxtërk tayn fraayntxaft mit Yeehoowa un xtel tich spirituaale tsiile. Soo khan es tich kuut keen im leepe fer imer!

Was hon mer kelërnt?

Warom khanst tuu tich sicher sin tas Yeehoowa wërt tich helfe iim troy tiine?
Was khanst tuu mache fer tayn fraayntxaft mit Yeehoowa ferxtërke?
Warom spirituaale tsiile xtele khan tayn fraayntxaft mit Yeehoowa ferxtërke?

Ich hon tiise Piipel xtuutyum fërtich kemacht am taach:

Tsiil

In te neekste moonate, leese ti piicher Achegue-se a Jeová un ‘Venha Ser Meu Seguidor’. Tiise piicher wëre tich helfe foran tayn fraayntxaft mit Yeehoowa un sayne Soon, Yeesus, ferxtërke.