Wii is ti pest aat fer tiise Piipel xtuutyum mache?
Hiir wërt aus keleet wii tiise xtuutyum mache. Noo tiise teel leese kuk te WIITEO.
EYERSTE TEEL
Lees ti apsetse, un aach ti frooche, woo een aner farp hon (A). Lees aach ti Piipel tekste woo foer traan tas wort “lees” xteet (B). Un is aach wichtich leese ti Piipel tekste woo kenënt sin, wayl tii ti haupste phunkte tsayche.
MITEL TEEL
In tas teel “Lërn Mee” finst tuu ti lisyoon aus keleet in khortse wërter (C). Ti numerierte phunkte (D) kepe mee kleenichkheete iwich te haupste phunkt. Lees mit tayne leerer ti Piipel tekste, antwort ti frooche un kukt ti wiiteos.
In yeete lisyoon finst tuu khastele woo tsayche eene WIITEO woo mee fon tiise sache xprecht. Etliche wiiteos tsayche kexichte woo wërklich pasiirt sin, anere tsayche kexichte woo khente pasiire, awer woo sich hale aan tinge woo taach tsu taach pasiire.
Pekuk tich ti pilter un lees ti ausleyung (E), un tenk aan was tuu saan khënst im teel “Etliche Saan” (F).
LETSTE TEEL
Am ën fon ti lisyoon, finst tuu ti teele “In Khortse Wërter” un “Was hon Mer Kelërnt” (G). Xrayp uf te taach woos tuu ti lisyoon fërtich kemacht host. In “Tsiil” (H), tsaycht was tuu noch mee mache khanst. Im teel “Fer Mee Wise” (I) finst tuu mee informatsyoone iwich tiise sache.
Wii is tas puuch in keteelt
|
|
|
|
Wii ti Piipel tekste fine
Ti Piipel is een samelung fon 66 piicher. Tii hot tswaay teele: ti Hepreeyx-Arameeyxe Xrifte (“Tas Alte Testament”) un ti Kristliche Kreekixe Xrifte (“Tas Naye Testament”).
Wën een Piipel tekst wërt kenënt in tiise xtuutyum, te eyerst khomt te naame fon tas Piipel puuch (A). Noochte khomt te kapitel (B) tan te wërs orer wërse (C).
Tsum payxpiil, Yoohan 17:3 petayt tas Piipel puuch Yoohan, kapitel 17, wërs 3.
