KEFUNTNES UN FERLOERNES Ales was kefun kept, sol tsu te Apteelung fon Kefuntnes un Ferloernes kenom wëre. Wëns tuu was ferloer host, kee tsu tiise apteelung un suuch was teer keheert. Ferloerne khiner sole tsu tiise apteelung kenom wëre. Awer, fer khee propleeme se hon, tuut tayn khiner kuut uf phase un tuu se pay teer hale.

TAAF Ti sitse woo reserwiirt sin fer tii woo sich taafe wole lose, sin uf aan haupste plats foer tëm palk, orer in een anere plats woo ketsaycht wërt. Tii woo sich taafe lose, sole sich uf te reserwiirte sitse setse eep te taaf reet aan fangt, am samstaach moynt. Al sole sayn paat tuuch un kexayt paat tsaych pringe.

SITSE Piite, tenk aan ti anere. Tuu khanst ploos pletse reserwiire fer tayn aychne familye, tii woo mit teer im khare reese, in tayn haus woone orer fer tayn Piipel xtutënte. Tuu niks uf ti sitse um tich rom leyer, wëns tuu tii net penutse tuust.

KONTRIPUYTSYOONE Tas hot fil khost fer te konkrës in se richte mit kexayte sitse, autyo un wiiteo sisteem un fiil anere tings. Soo, khene mer uns fraye too se sin un tas helft uns ticht pay Yeehoowa se khome. Tayn kontripuytsyoone helfe ti khoste se petsaale un tuut ti preetich aarwayt in te kans welt mit helfe. Tuu khanst file khaste fer kontripuytsyoone mache in tiise plats fom konkrës fine, woo taytlich itentifitsiirt sin. Awer wëns meechlich is, macht ayre kontripuytsyoone torich te site donate.pr418.com. Yeete kontripuytsyoon hot fil weyert, un ti Rechiirente Khërperxaft wil teer tanke fer tayn fraywilich hilef feer ti interese fon Kot sayn Raych mit se helfe.

INTIKATOORE Ti intikatoore sin too fer tich se helfe. Tuu imer tëne sayn oryentiirunge aan nëme iwer pletse fer khare hin xtele, uf tëm plats rom laafe, pletse fer setse reserwiire, un anere tinge.

EYERSTE HILFE Erinert tich: penutst ti eyerste hilef ploos wëns nootwëntich is.

FRAYWILICH TIINST Wëns tuu tich fraywilich aan piite wilst fer im konkrës se helfe, tuu tich in ti Apteelung fer Informatsyoone un Fraywilich Tiinst aan meele.