Ti mitkliiter fon te Petël familye tuun in fiil apteelunge tiine fer tas preetich in een orer mee lënter, uf phase. Ëtliche tuun unser piicher un piichelche mache un aus teele. Anere tuun autio un wiiteo krawatsioone mache un, in te iwersëtsung xafe, orer tuun uf phase was nootwëntich fer ti rechioon is.

Een Filiaal Komisioon tuut ti aarwayt uf phase. Ti Rechiirënte Khërperxaft këpt fer ti Filiaal Komisioon ti responsapiliteet fon yeete filiaal, woo uf kephast wërt torich tray orer mee kwalifitsiirte ëlteste. Tiise komisioon tuut ti Rechiirënte Khërperxaft informiire wii ti aarwayt tat wakst woo se uf phase un iwer ti propleeme woo se mit mache. Tas hëlft ti Rechiirënte Khërperxaft se siin was fer theeme mise in te puplikatsioone, fersamlunge orer konkrëse im futuer aan kexproch këpe. Tii woo ti Rechiirënte Khërperxaft representiire, wëre fiil mools kexikt fer ti filiaale pesuuche un orientiirunge fer ti Filiaal Komisioon këpe, wii se sayn aarwayt pëser mache khëne. (Provérbios 11:14) Een spetsiaal prokram wërt kemacht woo te representant een reet halt, fer tii aan muute woo im lant fon te filiaal woone.

Ti kemaynte kriin hilef. Ti filiaal tuut te aanfang fon naye kemaynte tsu xtime. Tii tuut aach ti aarwayt fon pioneere, misioneere un sirkuyt superintentente uf phase, konkrëse orkanisiire, tas paue fon naye Raych Saale korteniire un xikt puplikatsioone fer ti kemaynte. Ales was in een filiaal kemacht këpt, hëlft tas ti preetich aarwayt orkanisiirt playpt. — 1 Coríntios 14:33, 40.

• Wii tuun ti Filiaal Komisioone ti Rechiirënte Khërperxaft hëlfe?

• Was fer aarwayte wëre in een filiaal kemacht?