Yeetes yoer tuut unser orkanisatsioon milioone Piiple un anere puplikatsioone mache un aus teele oone këlt se ferlange. Mëyer tuun Raych Saale un filiaale paue un in ortnung hale. Tausente petelite un misioneere wëre kehalt un wën natuer katastroofe pasiire, këpe mer umaniteere hilef. Fiilaycht tuust tich frooe: ‘Wii wërt tas ales finantsiirt?’

Mëyer ferlange khee këlt fer unser aarwayt un aach khee tseente, un khee kolëkte wëre kemacht. Opwool unser preetich aarwayt hooche khoste hot, tuun mëyer khee këlt ferlange. Mee wii hunert yoer hiner traan, ti tsweete numer fom piichelche A Sentinela hot aus keleet tas Yeehoowa uns mit hëlfe tuut un ‘tas mëyer nii këlt fon te mënxe ferlange teete fer tiise aarwayt se finantsiire’ — un mëyer hon tas nii kemacht!— Mateus 10:8.

Unser aarwayt wërt mit kontripuytsioone kehalt. Fiile layt këpe wëyert fer unser piiplix aarwayt un hëlfe mit kontripuytsioone. Yeehoowa sayn Tsayer tuun kliiklich fon sayn tsayt, kraft, këlt un anere tinge këpe, tas Yeehoowa sayn wile uf te kans Ëyert kemacht këpt. (1 Crônicas 29:9) In Raych Saale un in unsere konkrëse këpts kontripuytsioons khaste too tefoer. Mer khan aach kontripuytsioone torich unser site, jw.org, mache. Tas mëyeste këlt woo rin khomt, khomt fon keweenliche layt. Tii sin wii ti aarm witfraa woo Yeesus keloopt hot wii se tswaay kleene nikëlche in te këlt khaste fom tëmpel rin ketuun hot. (Lucas 21:1-4) Soo, khan yeete eene was aan ti sayt tuun fer mit se teele “wii ëyer in sayn hërts pextimt hot”. — 1 Coríntios 16:2; 2 Coríntios 9:7.

Mëyer sin sicher tas Yeehoowa imer wayter aan muut tii woo ‘mit sayn tinge, woo wëyert hon, Kot eere wole’, tas se ti preetich aarwayt mit hëlfe fer Kot sayn wile kemacht këpe. — Provérbios 3:9.

• Was macht tas Yeehoowa sayn Tsayer anerst wii ti anere relichioone sin?

• Wii wëre ti kontripuytsioone penutst?