Im ëyerste yoer hunert, een kleene krup, fon “aphostele un ëlteste in Yerusalëm”, hot wii een tiretorii ketiint. Tii hon wichtiche ëntxluse fer ti kans kemaynt fon kesalpte kristen pexlos. (Atos 15:2) Fer tsu een ëntxlus khome, hon se ti Hayliche Xrifte xtuutiirt un sich fon Kot sayn hayliche kayst lënke kelost. (Atos 15:25) Pis hayt wërt tas soo kemacht.

Tii wërt fon Kot penutst fer sayn wile mache. Ti kesalpte priiter woo in te Rechiirënte Khërperxaft tiine, hon fiil interës in Kot sayn Wort un fiil speriëns fer mit spirituaale un praktixe atikle um keen. Tii tuun sich yeete woch fersamle fer iwer atikle xprëche woo nootwëntich fer ale kemaynte uf te wëlt sin. Soo wii im ëyerste yoer hunert, wëre piiplixe orientiirunge torich priife, reesenter superintentente un anere priiter këp. Tas hëlft tas Kot sayn folek eenich in sayn hantle un ketanke is. (Atos 16:4, 5) Ti Rechiirënte Khërperxaft tuut ti spirituaal leepensmitel tsu perayte, këpt wichtiche impuls tsum preetich un tuut ti insëtsung fon priiter in wichtiche xtëlunge uf phase.

Tii tuut ti orientiirung fon Kot sayn kayst noo keen. Ti Rechiirënte Khërperxaft suucht ti orientiirung fon Yeehoowa, te Ale Mëchtiche, un fon Yeesus, te Khop fon te kemaynt. (1 Coríntios 11:3; Efésios 5:23) Iire mitkliiter tënke nët tas se ti hëre fon Kot sayn folek sin. Soo wii tii, tuun ale kesalpte kristen ‘tëm Lam noo keen, ekaal woo ëyer hin keet’. (Apocalipse 14:4) Ti Rechiirënte Khërperxaft këpt wëyert fer unsere kepeete fer tii.

• Weer waare ti mitkliiter fon te rechiirënte khërperxaft im ëyerste yoer hunert?

• Wii tuut ti Rechiirënte Khërperxaft hayt Kot sayn orientiirung suuche?