Mëyer tanke tich tas tuu tsayt kehoolt host fer tas piichelche leese, fer Yeehoowa sayn Tsayer pëser se khëne, wise was se mache un wii sayn orkanisatsioon funtsioniirt. Mëyer waarte tas tiise puplikatsioon tich keholf hot fer uns se khëne wii tii woo hayt Yeehoowa sayn wile am mache sin. Mëyer tuun tich aach aan muute tas tuu wayter iwer Kot lërne tuust. Xprëch mit tayne parente un froynte iwer tas was tuu xtutiire tuust un khom wayter in unser kristliche fersamlunge. — Hebreus 10:23-25.

Wënst tuu mee iwer Yeehoowa lërnst, tuust tuu siin wii Ëyer tich liipt. Tan wërst tuu aan kemuut fer ales was meechlich is se mache fer tayn liipe tsu Kot tsayche. (1 João 4:8-10, 19) Awer, wii khanst tuu tiise liipe in tayn leepe tsayche? Warom is es kuut fer tich Kot sayn moraalixe kesëtse aan heere? Was khan tich hëlfe fer mit uns Kot sayn wile mache? Tayn Piipel leerer tuut teer kërn hëlfe ti antworte fer tiise frooche se fine, tas tuu un tayn familye ‘in Kot sayn liipe plaype khënt fer soo tas eewich leepe se kriin’. — Judas 21.

Mëyer tuun tich inlaate fer wayter in te woere weech se keen. Tiise puplikatsioon khan tich hëlfe mee se lërne. . .