PLAYP WACHSAM!
2023: Een yoer fon ëngstlichkheet — Was saat ti Piipel too triwer?
Torich 2023, sin fiile tinge uf ti welt pasiirt woo pewayse tas mer in te tsayt leepe woo ti Piipel nënt wii ‘ti letste taache’. (2 Timoteus 3:1) Mërk wii ti ewënte woo um uns rom pasiire, sin ti selwiche woo ti Piipel fer unser taache foer raus kesaat hat.
Ti Piipel un ti ewënte uf ti kans welt
“Kriiche un notisye fon kriiche.” (Matheus 24:6)
“Wyolënte konflikte tuun imer mee in unerxiitliche pletse fon te welt pasiire.” a
Kuk ti artikele “Weer tuut ti layt fom kriich rete?” un “Gastos militares mundiais ultrapassam 2 trilhões de dólares”.
‘Eyertxutere uf een plats noom anere.’ (Markus 13:8)
“Tsayt te aanfang fon 2023, sin xon 13 eyertxutere fon krees 7 in te Richter Skala uf ti eyert pasiirt. Tas sin ti heechste numere woos ploos in een yoer kep hot, tsayt ti mënxe aan kefang hon rexistre mache.” b
Kuk te artikel “Mechtich xtarke eyertxutere tuun Turkia un Siirya petrefe”.
“Xrekliche tinge un kroose tsayche.” (Lukas 21:11)
“Ti tsayt fon te wërmung fon te eyert is aans ën kang. Yets leepe mer in te tsayt woo eyert khooche tuut.” (António Guterres, Haupste Sekretaar fon te ONU) c
Kuk te artikel “Mundo enfrenta ondas de calor intensas em 2023”.
“Hungernoot.” (Matheus 24:7)
“2023 is noch een yoer fon ëngstlichkheet, wayl es aarich xweyer fer ti layt is sayn familye mit ese fersoriche.” d
Kuk te artikel “Guerra e mudanças climáticas pioram a crise de alimentos”.
‘Xlime tsayte woo xweyer wëre fer um se keen.’ (2 Timoteus 3:1)
“Uf ti kans welt, fer yeete acht persoon, kepts eene woo een mentaal kesuntheet propleem mit macht.” e
Kuk te artikel “Xrekliche relatoorye iwer ti mentaal kesuntheet fon te yunge”.
Was khene mer fer tas yoer 2024 waarte?
Nimant wees kenau was in 2024 pasiire tuut. Awer ti ewënte woo uf ti welt pasiire, tsayche tas klaych Kot sayn Raych, een rechiirung im himel, tuut ti kanse mënxliche rechiirunge ersetse un tuut ales was eelent un ëngstlichkheet pringt aans ën mache. (Tanyël 2:44; Apokalipsis 21:4)
Soo lang wii mer tiise tsayt waarte, khene mer Kot sayn hilef ferlange wën mer uns ëngstlich xpiire. Ti Piipel saat:
“Wën ich pang kriin, traue ich uf tich.” (Psalm 56:3)
Wii khanst tuu tsayche tas tuu uf Kot traust? Ti Piipel hot xeene ferxprechunge woo tsayche tas mer in te futuer net mee layte tuun. Meyer laate tich in fer mee iwer tiise ferxprechunge lërne. Meyer wole tich een umsonst un interesant Piipel khurs aan piite. Wëns tuu tiise khurs machst, tuust siin wii tuu un tayn familye nutse fon ti piiplixe ferxprechunge kriin khene.
a Te artikel “A World at War: What Is Behind the Global Explosion of Violent Conflict?” fon 30te oktooper 2023, fon Emma Beals un Peter Salisbury, Foreign Affairs.
b Te artikel “Year 2023: Number of Major Earthquakes on Course for Record” fon maay 2023, Earthquake News.
c Te artikel “Secretary-General’s Opening Remarks at Press Conference on Climate” fon 27te yuuli 2023, Fereenichte Natsyoone.
d Te artikel “A Global Food Crisis”.
e Te artikel “World Mental Health Day 2023” fon 10te oktooper 2023, Welt Kesuntheet Orkanisatsyoon.
Fiilaycht tuust tuu aach kërn hon
ANERE ARTIKELE
Een woer hofnung fer een peser futuer
Warom sin ti ferxpreche fon te Piipel anerste wii ti ferxpreche fon te mënxe?
WICHTICHE PIIPLIXE INLËRNUNGE
Was is Kot sayn Raych?
Kot sayn Raych waar tas haupste theema fon Yeesus sayn preetich aarwayt too uf te eyert. Fon tat aan, tuun al woo Yeesus noo keen, peete tas tas Raych khome sol.
FROOCHE IWER TI PIIPEL WOO KEANTWORT KEP SIN
Tuu khanst troost in te Piipel fine
Ti Piipel hot xon fiile layt ketreest woo xwiirichkheete mit mache.
WEER SIN MEYER
Ferlang een pesuuch
Tuu ti antworte kriin fer tayn frooche iwer ti Piipel orer tuu mee iwer Yeehoowa sayn Tsayer wise.
