Fiile layt um ti welt rom xpiire sich aleen un wayt fon te anere. Spesyaliste in kesuntheet klaape tas ti anere helfe een aat is fer keeche tiise xpiirunge khëmpfe.

•   “Wën mer anere layt helfe woo in noot sin, khan tas een opjetiiw fer unser leepe kepe, un uns aach helfe uns net soo aleen orer wayt fon te anere xpiire.” (Natsyonaale Kesuntheet Institute fon te Fereenichte Xtaate) a

 Ti Piipel kept uns oryentiirunge iwer wii mer ti anere helfe khene. Tii aan wene, khan uns helfe uns net soo aleen xpiire.

 Say krooshërtslich. Suuch keleechenheete fer tsayt mit anere aus kepe, hauptseechlich in perseenlich aat. Say wilich fer mit tëne teele was tuu host. Wëns tuu tas machst, woerxaynlich tuun se aach krooshërtslich mit tich sin, un tas tuut ayre fraayntxaft ferxtërke.

•   Piiplix printsipyum: “Tuut imer kepe un es wërt fer aych kep.” (Lukas 6:38)

 Penuts tayn kraft fer ti anere helfe. Tenk wiis tuu ti anere helfe khanst wën se xwiirichkheete mit mache. Fiilaycht khanst tuu tëne hërtslich heere orer tich aan piite fer etwas fer tëne mache, fer tëne sayn last laychter lose.

•   Piiplix printsipyum: “Te woere fraaynt tsaycht imer liip, un wërt een pruuter in unruyche tsayte.” (Xpriiche 17:17)

 Fer mee se wise iwer wii een kuut ferheltnis mit anere hale, lees te artikel “Vida familiar e amizades”.