•   “Neekst ti heleft fon te folyeeriche layt in te Fereenichte Xtaate saan tas se sich aleen xpiire, awer ti meyerste fon tiise krup woo sich aleen xpiire, sin yunge folyeeriche layt.” (Nossa Epidemia de Solidão e Isolamento: Comunicado do Cirurgião-Geral dos EUA sobre os Efeitos Positivos da Convivência e Conexão Social, 2023)

•   “[Ti Welt Kesuntheet Orkanisatsyoon] hot een nay Komisyoon iwer Sotsyaal Ferpiinung pekhant kemacht fer se tsayche tas sich aleen xpiire xon een kesuntheet propleem is. Tes weeche, is es wichtich tas sotsyaal ferpiinunge kemacht wëre un tas xnel solutsyoone in rayche un in aarme lënter kefun wëre sole.” (Welt Kesuntheet Orkanisatsyoon, 15^te Nofemper fon 2023)

 Ti Piipel kept uns praktixe aanreete woo khene uns helfe kuute fraayntxafte mit anere mache.

 Fertrayp weenich tsayt mit tinge woo tich aleen xpiire lose. Too is tepay tsu fiil tsayt mit sotsyaale weepe aus kepe. Xtats tas, fersuuch mee tsayt perseenlich mit te layt fertraype un woere fraayntxafte mache.

•   Piiplix printsipyum: “Te woere fraaynt tsaycht imer liip, un wërt een pruuter in unruyche tsayte.” (Xpriiche 17:17)

 Fersuuch ti anere helfe. Kuute tinge fer ti anere mache, xafe uns tichter pay tëne un meyer xpiire uns in een emotsyonaalix aat peser.

•   Piiplix printsipyum: “Kepe pringt mee frooheet wii kriin.” (Aphostele sayn Kexicht 20:35)

 Fin in unser site anere praktixe aanreete fon te Piipel iwer wii kuute fraaynte mache.