Fer fiile layt uf te kans welt, is es aarich xweyer kenuuch kelt fertiine fer se leepe — un tas wërt yeete taach xlimer.

•   Tëm noo een weltwayt relatooryum, woo khërtslich puplitsiirt kep is, a khene ti layt imer weenicher tinge khaafe mim kelt woo se fertiine. Tas relatooryum saat tas, wën niks kemacht wërt, tuut te unerxiit tswixich ti rayche un ti aarme noch kreeser wëre. Es khan aach pasiire tas fiile familye mise mit weenicher konfort leepe.

 Meechte ti rechiirunge es hin kriin al ti ekonoomixe propleeme resolwiire orer ferweenichst tas ferpesere?

 Ti Piipel xprecht iwer een rechiirung woo khan un tuut al ti ekonoomixe propleeme resolwiire, too tepay te kroos unerxiit tswixich ti rayche un ti aarme. Tii saat tas “te Kot fom himel [tuut] een raych in setse”, es wil saan, een eensiche rechiirung woo ales uf te eyert uf phase tuut. (Tanyël 2:44) Unich tiise rechiirung, nimant wërt ferkes orer im xtich kelos. (Psalm 9:18) Al unich tiise rechiirung tuun tas neetiches hon fer froo sin un al tuun sich fraye mit te resultaate fon sayn xweyer aarwayt. (Isayas 65:21, 22)