PLAYP WACHSAM!
Ti syentiste tsiie ti Uer fon te Fernichtung Taach foran — Was saat ti Piipel too triwer?
Am 24te yanuer fon 2023, hon ti syentiste ti Uer fon te Fernichtung Taach a tichter pay te halp nacht ketsoo; ti halp nacht petayt tas ën fon te welt.
“Ti ‘Uer fon te Fernichtung Taach’ tuut simpoolix meese ti kefoore woo iwer ti mënxheet sin. Tiise tiinstaach, is se tichter pay te halp nacht ketsoo kep — tichter wii noch nii. Tas is pasiirt weeche te kriich in Ukraanya un ti soriche iwer een nuklear kriich un tas weter.” (AFP International Text Wire)
“Am tiinstaach, hon ti syentiste pekhant kemacht tas ti ‘Uer fon te Fernichtung Taach’ is yets 90 sekunte wech fon te halp nacht. Ti mënxheet waar noch nii soo ticht fom armaxeton kewees.” (ABC News)
“Een krup syentiste fon te kans welt hot awisiirt tas ti mënxheet noch nii soo ticht fon te fernichtung waar.” (The Guardian)
Meecht tas ën fon te mënxheet un fon te eyert ticht sin? Sole mer pang hon fon was noch pasiire tuut? Was saat ti Piipel too triwer?
Was tuut im futuer pasiire?
Tëm noo te Piipel, “ti eyert playpt fer imer” un es kept layt woo “fer imer too truf woone” tuun. (Eklesyastes 1:4; Psalm 37:29) Tes weeche, tuun ti mënxe net ti eyert fernichte orer tii soo fiil fersaue tas es unmeechlich wërt uf tëne woone.
Awer, es is woer tas ti Piipel tuut iwer een ën xpreche. Tsum payxpiil, tii saat tas ‘ti welt tuut rom keen’. (1te Yoohan 2:17)
Fer se wise was ti Piipel saan wil wën se iwer tas ën fon te welt xprecht, lees te artikel “Será que o fim do mundo está chegando? O que é o Apocalipse?”.
Fer se wise was ti Piipel saat iwer was im futuer pasiire tuut, lees te artikel “Quando vai ser o fim do mundo?”.
Warom khene mer uns positiiw hale?
Opwool ti propleeme fon te welt, khan ti Piipel uns helfe een positiiw aanxtelung hale. Wii?
Ti Piipel kept uns praktixe aanreete. (2te Timoteus 3:16, 17) Tsum payxpiil, lees te artikel “Wii khene mer uns weenicher soriche mache?” fer se siin wii ti Piipel tich helfe khan een positiiw aanxtelung hale opwool ti propleeme woos tuu mit machst.
Ti Piipel kept uns een sicher hofnung. (Romaaner 15:4) Tii leet aus was mer hayt un im futuer waarte khene. Tas helft uns hofnung hon opwool ti propleeme fon te welt.
Fer ti kreeste nutse fon te Piipel kriin, meyer laate tich in unser khurs fon te Piipel mit een leerer mache — ales kratis.
a “Ti Uer fon te Fernichtung Taach is kepleent kep fer ti layt awisiire wii ticht sin mer fon te fernichtung fon te welt weeche unser aychne kefeerliche teknoloxiie. Tas is was simpoolixes, een erinerung fon te propleeme woo mer resolwiire mise wën mer uf te eyert iwerleepe wole.” (Bulletin of the Atomic Scientists)
Fiilaycht tuust tuu aach kërn hon
FROOCHE IWER TI PIIPEL WOO KEANTWORT KEP SIN
Was is te Armaxeton?
Tas wort Armaxeton khomt ploos een mool in te Piipel foer. Awer ti kans Piipel xprecht iwer te kriich woo tas petayt.
WICHTICHE PIIPLIXE INLËRNUNGE
Warom lost Kot ti traurichkheet pasiire?
Fiil tuun sich frooe warom soo fiil wuut un traurichkheet uf ti wëlt is. Ti Piipel këpt uns ti antwort woo uns treest un tsufriite lost.
WICHTICHE PIIPLIXE INLËRNUNGE
Fer was hot Kot ti Ëyert kemacht?
Unser wëlt is fol mit xeene tinge. Tii is nët soo ticht un nët soo wayt fon te sun, tii is uf kextëlt im richtich winkel, un tii treet sich nët soo xnël un nët soo lamsam. Warom hot Kot sich soo aan kextrëngt fer ti ëyert mache?
WEER SIN MEYER
Ferlang een pesuuch
Tuu ti antworte kriin fer tayn frooche iwer ti Piipel orer tuu mee iwer Yeehoowa sayn Tsayer wise.
