Xpiirst tuu tich aleen? Wën yaa, fiilaycht sin tayn xpiirunge eenlich wii te psalmist sayns. Tee hot kesaat: “Ich sin wii een foochel woo aleen ufm tach is.” (Psalm 102:7) Sich wech fon te anere hale khan propleeme pringe; awer, ti kluucheet fon te Piipel khan tich helfe too temit um keen.

•  Xaf tich tichter pay Kot

•  Lees ufmuutiche xtike fon te Piipel

•  Lërn warom xlechte tinge uf te welt pasiire

•  Mach tich net tsu fiil ketanke

•  Tuu fraayntxafte paue un hale

•  Mach esersiis

 Wëns tuu erkhënst tas tuu must tichter pay Kot khome un tan tich aan xtrengst fer Tëm peser khëne lërne, khanst tuu frooheet fine, soo kaar in tiise tsayt woo mer mise uns wayt wech fon te anere hale. (Matheus 5:3, 6) Tiise feramente, woo kratis sin, khene tich fiilaycht helfe.

•   Een online Piipel woo kenau un laycht fer se leese is

•   Khortse wiiteos iwer ti haupste inlërnunge fon te Piipel

•   “Frooche iwer ti Piipel woo keantwort kep sin” — Taytliche antworte fer frooche woo fiile layt sich mache

•   “Hots yemant kepleent?” — Tiise artikele tsayche wii xeen un kuut kepleent ti natuer is

 Tiise tekste hon fiile layt ketreest. Xtats fersuuche haufe tekste uf een mool leese, penuts tayn tsayt aleen fer triwer noo tenke aan yeete xtik un aach fer se peete. (Markus 1:35)

•   Psalm 23:1-6

•   Psalm 34:1-22

•   Psalm 46:1-11

•   Psalm 63:6-8

•   Psalm 91:1-6

•   Matheus 6:25-34

•   2^te Korinter 1:3, 4

•   Filiper 4:6, 7

•   1^te Pheeter 5:6, 7

 Kwalkee xlecht situatsyoon khan laychter wëre wëns tuu weest warom xlechte tinge pasiire un wii Kot se fermache tuut. (Isayas 65:17)

•   Warom lost Kot ti traurichkheet pasiire?

•   Wanee khomt tas ën? Was hot Yeesus too triwer kesaat?

•   Was is Kot sayn Raych?

 Ti artikele uner traan khene tich helfe peser um keen mit tëm strës woo khomt fon sich aleen hale; tii khene tich aach helfe ‘noo lose tich tsu fiil ketanke mache’. (Matheus 6:25)

•   Wii ti ëngstlichkheete aus hale?

•   Tuu khanst keeche te pesimismus khëmpfe

•   Wii mit kelt kuut um keen

•   Khan ti Piipel mich helfe wën ich een xroo krankheet hon?

 Tayne fraaynte khene tich helfe tich frooer xpiire. Yets — woo mer mise uns naner wayt hale —, is es noch wichticher mit tëne eftas fertseele. Tuu khanst tas torich telefoon orer wiiteokonferëns mache. Un fersuuch aach naye fraaynte mache. Ti neekste wiiteos khene tich helfe woere fraaynte fine un eene aach sin. (Xpriiche 17:17)

•   Was is een woere froynt?

•   Mach naye froynte!

•   Fin froynte woos tuu kaar net ketenkt host

 Ti Piipel saat tas ‘esersiis mache, pringt etwas kuutes’. (1^te Timoteus 4:8, noote) Es khan tich helfe taytlich tenke un frooer wëre, hauptseechlich wëns tuu tich aleen hale must. Soo kaar wëns tuu khanst net aus tayn haus keen, tsiimlich sicher, kepts etliche tinge woos tuu mache khanst.