Fiil layt tuun net een ausweech siin fer ti propleeme woo ti welt in 2024 mit mache tuut. Noch soo, khene mer een hofnung fer ti futuer fine. Woo?

 Ti Piipel ferxprecht tas Kot tuut al ti propleeme resolwiire woo unser leepe hayt oone hofnung lose tuut. Klaych tuut Kot “yeete treene fon tëne sayn aue ap trokne, un es kept kheen toot mee, kheen traurichkheet, kheen krayxe un kheen phayn.” (Apokalipsis 21:4)

•   Fer mee iwer ti ferxprechung fon te Piipel fer ti futuer wise, lees ti artikel “Een woer hofnung fer een peser futuer.”

 Ti hofnung woo ti Piipel kept khan uns helfe mit nekatiiwe xpiirunge um keen un een peser atituut hon. (Romaaner 15:13) Un noch, ti Piipel hot praktixe aanreete woo khene tich helfe mit te propleeme um keen woos tuu hayt fiilaycht am mit mache pist, wii aarmheet, unkerechtichkheet un krankheet.

•   Kuk wii ti hofnung fon te Piipel een man keholef hot friit un frooheet fine, opwool eyer tswixich aarmheet kroos kewakst hot. Kuk te wiiteo Juan Pablo Zermeño: Yeehoowa hot een opjetiiw fer mayn leepe kep.

•   Tuu aus kluuche wii ti Piipel tich helfe khan mit traurichkheet, ëngstlichkheet, trauer un xult xpiirunge um keen. Lees ti artikel “Khan ich troost in te Piipel fine?”

•   Kuk wii een fraa woo im militeer ketiint hot un sich selepst pexrip hot wii ‘een piterlich persoon woo sich khee ketanke mit nimant kemacht hot’, hot hofnung torich ti Piipel kefun. Kuk te wiiteo im portukeesix Deixei as Armas para Trás.

 Wilst tuu tas 2024 een kuut yoer fer tich un tayn familye wërt? Proop unser Piipel khurs woo kratis is, un kuk wii ti Piipel tich helfe khan. Tuu aus kluuche wii Kot khan tich friit xon yets kepe un aach “een futuer un een hofnung”. (Yeeremias 29:11)