Im 27^te yanuer fon 2023, tuut te Internatsyonaal Aantenke Taach fom Holokaust a pasiire. Wëns tuu aan ti xrekliche tinge tenkst, woo mee wii 75 yoore tsurik torich te Holokaust pasiirt sin, khanst tuu tich fiilaycht frooe: ‘Warom hot Kot tas pasiire kelos?’

•   Fer ti antwort fon te Piipel raus kriin, lees te artikel “Warom hot Kot te Holokaust pasiire kelos?”.

 Ti yuute hon krusliche tinge im Holokaust mit kemacht. Een plaan is kemacht un aan kewënt kep fer milyoone fon tëne um pringe. Anere krupe layt sin aach torich te Holokaust keyacht un um keprung kep. Tswixich tëne waare Yeehoowa sayn Tsayer, woo keyacht kep sin weeche sayn klaape woo sich aan te Piipel halt.

•   Fer mee se wise, lees te artikel “O que aconteceu com as Testemunhas de Jeová durante o Holocausto?”.

 Fiile layt hon pang tas een xlim ewënt soo wii te Holokaust noch mool pasiirt. Awer es is kuut wise tas ti Piipel iwer een futuer xprecht woo nii mee krusliche tinge pasiire tuun.

•   “‘Wayl ich wees kans kenau was ich fer aych pleene’, saat Yeehoowa. ‘Ich wil tas teyer friit hot, net unklik. Ich wil aych een futuer un een hofnung kepe.’” (Yeeremias 29:11). b

 Tiise hofnung tuut sich erfiile wën Yeehoowa Kot ti kanse xlechtichkheet un aach ti xaate woo tas keprung hot wech xaft. Klaych, tuut eyer tiise tinge mache:

•   Ti xlechte layt woo soo fiil eelent fer ti anere pringe, fernichte. (Xpriiche 2:22)

•   Ale mënxe woo layte, heele. (Apokalipsis 21:4)

•   Ti toote tsurik tsum leepe pringe fer uf te eyert woone. (Yoohan 5:28, 29)

 Tiise hofnung fon te Piipel khan tich fiil treeste un tuu khanst too truf traue. Warom? Fer tas raus fine, was mënst tuu een umsonst Piipel khurs ferlange? Soo, khanst tuu ti hilef fon een leerer kriin fer ti Piipel peser ferxteen.