Kewin te khampf keeche sich aleen xpiire mit fraayntxafte — Wii khan ti Piipel tich helfe?
In 2023, is te khampf keeche sich aleen xpiire eene fon te wichtichste sache fer ti welt kesuntheet kep. Is es meechlich tiise khampf kewine?
‘Sich aleen xpiire un sich isoliire, pringt fiile xaate fer unser fiisix un emotsyonaal kesuntheet. Awer meyer khene keeche tas khëmpfe wën mer kleene tinge yeete taach mache fer unser fraayntxafte ferxtërke.’ (Tokter Vivek Murphy, natsyonaal kesuntheet aanreeter fon te Fereenichte Xtaate) a
Sich isoliire is net ti eensich uersach tas yemant sich aleen xpiirt. Etliche khene sich aleen xpiire aach wën fiile layt um tëne rom sin. Awer een tuun fon woo tiise propleem khomt, khan ti Piipel tich helfe. Tii hot praktixe aanreete woo uns helfe unser fraayntxafte ferxtërke tas mer te khampf keeche sich aleen xpiire, kewine khene.
Piiplixe aanreete woo tich helfe khene
Lërn kuute kexpreeche hon. Xprech iwer tayn xpiirunge, awer say aach een kuute heerer. Woo mee interes tuu fer ti anere tsaychst, noch xtërker wëre tayne fraayntxafte sin.
Piiplix printsipyum: “Suucht net ploos ayre aychne interese, awer aach ti interese fon te anere.” (Filiper 2:4)
Mach mee fraaynte. Say wilich fer fraayntxafte mache mit layt woo elter orer yinger wiis tuu sin, fon unerxiitliche kultuure un fon anere lënter.
Piiplix printsipyum: ‘Macht ayre hërts kans uf.’ (2 Korinter 6:13)
Fer mee se wise iwer wii xtarke fraayntxafte uf paue, lees te artikel “Satisfazer a sede de amizades”.
a Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.
Fiilaycht tuust tuu aach kërn hon
ANERE ARTIKELE
Was khan mich helfe wën ich mus wayt fon te anere plaype?
Wën mer uns aleen xpiire, khan es aus siin tas hofnung un frooheet fine unmeechlich is... awer tas is net wërklich soo.
PIIPLIXE INLËRNUNGE
Tuu unser khurs fon ti Piipel khëne
Mach een khurs fon te Piipel woo niks khost mit een persoonlich leerer.
