EKSTRA KAMPANYA
Koruptsyoon in te politik — Was tuut Kot sayn Raych mache?
Ti layt wole rechiirente hon woo se traue khene — tii hon xon kenuuch koruptsyoon kesiin. Een weltwayt unersuuchung, woo in 2023 puplitsiirt kep is, hot ketsaycht tas te krup mënxe woo ti layt te weenichste traue, sin ti politixe layt. a
Ti Piipel pexraypt een rechiirung mit een eerliche Fiirer woo mer kans traue khene — yemant woo nii korupt wërt. Tiise rechiirung is Kot sayn Raych un sayn Fiirer is Yeesus Kristus. (Isayas 9:7)
Yeesus sayn aktsyoone hon taytlich pewayst tas eyer sich mit te layt khimert. (Matheus 9:35, 36) Tee is te Kheenich fon Kot sayn Raych un, im futuer, pringt eyer friit fer al tii woo sayn fiirung aan nëme. (Psalm 72:12-14)
a 2023 Edelman Trust Barometer Global Report.