Im yoer 2024, tuut tas kreeste numer fon waal pasiire woos xon uf te kans welt kep hot. Awer, fiile layt traue net mee uf ti politixe mënxe.

•   Ti meyerste amerikanixe layt woo entrewistiirt kep sin, saan tas “ti motiwatsyoon fon te meyerste politiker is weeche ekoiistixe uersache” un net wayl se ti layt tiine wole. a (Pew Research Center, 19^te septemper 2023)

 In te selwich aat, tuun fiile yunge aach net uf ti politiker traue.

•   “Ti yunge hayt mache sich ofts ketanke mit etliche wichtiche propleeme, awer tii saan tas ti politiker mache sich khee ketanke mit tiise propleeme.” (The New York Times, 29^te yanuer 2024)

•   “Een unersuuchung tsaycht tas ti yunge traue mee uf ti YouTubers [un tii woo fiile nookeener in te sotsyaale weepe hon] wii uf ti politiker.” (The Korea Times, 22^te yanuer 2024)

 Khene mer traue tas ti politiker een peser futuer pringe tuun? Uf weem khene mer traue?

 Es is kuut uf phase wën mer ëntxlise uf weem mer traue tuun. Ti Piipel saat: “Een eenfeliche mënx klaapt aan yeete wort, awer weer kluuch is, tenkt kuut traan eep eyer yeete xrit kept.” (Xpriiche 14:15)

•   Fer uns helfe se wise op een informatsyoon woer orer falx is, lees te artikel “Como se proteger de informações falsas”.

 Un noch, aach wën ti politiker eerlich sin un kuute wile hon, khene se net ales mache was se wole. Tes weeche, tuut ti Piipel uns pexayt saan:

•   “Traut net uf ti mechtiche layt, aach net uf ti soone fon te mënxe, woo khene khee retung pringe.” (Psalm 146:3)

 Ti Piipel leet aus tas Kot te kwapste fiirer in kesetst hot un woo mer traue khene: Yeesus Kristus. (Lukas 1:32, 33) Yeesus is te Kheenich fon Kot sayn Raych, een rechiirung woo fom himel aus rechiirt. (Matheus 6:10)

•   Kuk warom mer uf Yeesus traue khene un was eyer mache tuut fer ti propleeme woo mer mit mache, wech xafe. Lees ti artikele “Quem é o Rei do Reino de Deus?” un “O que o Reino de Deus vai fazer no futuro?”.