“Ti mentaal kesuntheet fon te yunge is soo xlim kewoer tas es xon een emerxëns is. Un ti sotsyaale weepe hon een kroos teel fon te xult.” (Dr. Vivek Murthy, natsyonaal kesuntheet aanreeter fon te Fereenichte Xtaate fon Amërika, New York Times, 17^te Yuuni 2024)

 Wii khene ti eltere sayn khiner xitse fon te kefoore fon te sotsyaale weepe? Ti Piipel pringt praktixe aanreete.

 Kuk mool noo etliche piiplixe aanreete.

 “Weer kluuch is, tenkt kuut traan eep eyer yeete xrit kept.” (Xpriiche 14:15)

 Tuu prauchst net tenke tas tuu must tayn khint lose sotsyaale weepe penutse, wayl es is etwas woo kefeerlich sin khan. Eeps tuu tayn khint sotsyaale weepe penutse lost, tenk kuut traan ep tas kenuuch ferxtant hot fer wayter ploos fraayntxaft hon mit kuute layt, fer aus wayche ferkheerte sache un fer in hale ti reekel iwer wii fiil tsayt tas penutse khan.

•   Fer mee lërne, lees ti artikele “Selt ich lose mayn khint sotsyaale weepe penutse?” un “Ensine seu filho adolescente a usar as redes sociais com segurança”.

 “Penutst ayre tsayt in te pest aat wiis meechlich is.” (Ëfeser 5:16)

 Wëns tuu lost tayn khint sotsyaale weepe penutse, xtel reekele un lee aus ti nutse woo tas khint kriin khan wën es tas in halt. Un playp wachsam: een ënerung in tëm sayn aanxtelung khan een tsayche sin tas tuu prauchst krense xtele aan wii tayn khint ti sotsyaale weepe penutse sol.

•   Penuts te ways taafel animatsyoon Say xlau: tuu ti sotsyaale weepe richtich penutse fer tayn khint helfe se ferxteen warom is es neetich reekele too tefun hon.

 Ti Piipel saat tas mer leepe in ‘xlime tsayte, woo xweyer sin fer um se keen’. (2 Timoteus 3:1-5) Toch, kept tii uns praktixe aanreete woo uns helfe mit tiise kefoore um keen. Kuk een list mit mee wii 20 artikele un wiiteos mit piiplixe aanreete woo eltere un khiner helfe khene. Es xteet too, in tiise artikel iwer mentaal kesuntheet.