“Yets is ti tsayt fer ti wafe niter xtele un ti situatsyoon peruyche. Yets is ti tsayt fer meyer al selepst kontrol tsayche”, saat António Guterres, haupst atministratoer fon te Fereenichte Natsyoone. Eyer hot tas kesaat weeche te tirëkt atak fon Iraan keeche Israël, woo samstaach, 24^te April 2024, pasiirt is.

 Te kriich im Mitel Oryent is ploos een teel fon was in te welt am pasiire is.

 “Fon te Tsweete Welt Kriich aan, hot es noch nii soo fiil wyolënte khëmpfe kep wiis yets am pasiire is. Un tswaay pilyoone layt, es is, een fëtel fon te mënxheet, is petrof woer.” (Xuts Komitee fon te Fereenichte Natsyoone, 26^te Yanuer 2023)

 Tepay in te plëtse woos wyolënte khëmpfe kept, sin Israël, Kasa, Siirya, Aserpaytxaan, Ukraanya, Sutaan, Etyoopya, Nikeerya, Myanmar un Haytii. a

 Wan wëre se noo lose se khëmpfe? Khene ti fiirer fon te welt te friit pringe? Was saat ti Piipel?

 Ti khëmpfe woo in ti kans welt hayt pasiire, tsayche tas tas ën fer ale kriiche ticht is. Tas erfiilt een profetsii fon te Piipel iwer unser taache. Ti Piipel nënt ti taache woo mer am leepe sin wii “tas ën fon tiise sisteem”. (Matheus 24:3)

•   “Teyer tuut fon kriiche un notisye fon kriiche heere . . . “Natsyoon tuut sich keeche natsyoon xtele un raych keeche raych.” (Matheus 24:6, 7)

 Lees te artikel “Was fer is tas tsayche fon te ‘letste taache’ orer ti ‘tsayt fom ën’?” fer siin wii ti kriiche woo hayt pasiire een piiplix profetsii erfiile.

 Ti Piipel fertseelt uns wii ti mënxliche kriiche tuun tsum ën khome. Wii tuut tas pasiire? Net torich mënxe, awer torich te Armaxeton, “te kriich fon tëm kroose taach fom Ale Mechtiche Kot”. (Apokalipsis 16:14, 16) Kot hot ferxproch eewiche friit fer ti kans mënxheet pringe, un tiise kriich tuut te weech uf mache tas Kot es erfiile khan. (Psalm 37:10, 11, 29)

 Fer mee lërne iwich Kot sayn kriich woo ale kriiche tsum ën pringe wërt, lees te artikel “Was is te Armaxeton?”