Welt fiirer un internatsyonaale orkanisatsyoone hon es net hin kriit friit tsu te mënxheet pringe. Tsayt te 2^te Welt Kriich, es waare noch nii soo fiile wyolënte kriiche kewees. Unkefeer 2 pilyoone layt — een fiertel fon te kans mënxheet — leepe in pletse woo too teweeche petrof sin.

 Warom khene ti mënxe net in friit leepe? Was saat ti Piipel too triwer?

1.  1. Ti layt tuun sich in een aat aan xtele woo se um halt in friit leepe; soo kaar sich too traan aan xtrenge is tsu xweyer fer tëne. Ti Piipel hot foer raus kesaat iwer unser tsayt: ‘Ti mënxe tuun ploos sich selepst liipe, tuun tas kelt liipe, wëre hoochnaasich, inkepilt, untroy, wëre net wilich sin fer mit te anere xtime, tuun khee selepst kontrol hon, wëre krop, tik khopich un hoochmuutich.’ (2 Timoteus 3:2-4)

2.  2. Ti mënxe, aleen orer wii een krup, hon net ti apiliteet fer sayn propleeme in te ray xtele oone ti hilef fon sayn Kriatoer, Yeehoowa a Kot. Ti Piipel tsaycht tas “noch net mool sayn aychne xrite khan te mënx lenke”. (Yeeremias 10:23)

3.  3. Ti welt is unich tëm kontrol fon een xtarke un xlechte rechiirente — Satanaas te Taywel, “woo ti kans pewoont eyert am hinerkeen is”. (Apokalipsis 12:9) “Ti kans welt is in te macht fom Xlechter” un soo lang wii tas soo playpt, tuun kriiche un xtrayte pasiire. (1 Yoohan 5:19)

 Ti Piipel lost uns sicher tas te friit khome tuut, awer torich Kot, net ti mënxe.

•   “‘Wayl ich wees kans kenau was ich fer aych pleene’, saat Yeehoowa. ‘Ich wil tas teyer friit hot, net unklik. Ich wil aych een futuer un een hofnung kepe.’” (Yeeremias 29:11)

 Wii tuut Kot tiise ferxpreche erfiile? “Te Kot woo friit kept, tuut klaych Satanaas (…) fertrike.” (Romaaner 16:20) Fer friit tsu te mënxheet pringe, tuut Kot een himlix rechiirung penutse, woo ti Piipel nënt “Kot sayn Raych”. (Lukas 4:43) Wën te Kheenich fon tiise Raych, Yeesus Kristus, iwer ti eyert rechiirt, wëre ti layt in kelërnt in friit leepe. (Isayas 9:6, 7)

•   Fer mee too triwer lërne, kuk te artikel “O que o Reino de Deus realizará?”