Kuk etliche informatsyoone woo fon te ONU khome:

•   In te tsayt fom 7^te Oktooper pis 23^te Oktooper fon 2023 hat te kriich tswixich Kasa un Israël xon 6.400 layt um keprung un 15.200 layt sin ferletst waar. Te meyerste fon tëne waare layt woo niks mim kriich se tuun hate. Un noch, hunert tausente layt muste sayn hayser hiner lose.

•   Pis te 24^te Septemper fon 2023, te kriich tswixich Ruslant un Ukraanya hat xon fiil eelent keprung fer layt woo niks mim kriich se tuun hate. In Ukraanya, 9.701 persoone sin kextorep un 17.748 persoone sin ferletst waar.

 Was fer hofnung kept ti Piipel fer ti layt woo weeche kriiche fiil am mit mache sin?

 Ti Piipel saat tas Kot “pringt ti kriiche uf te kans eyert tsum ën”. (Psalm 46:9) Tee tuut ti kanse mënxliche rechiirunge wech xafe un playpt ploos een rechiirung woo fom himel khomt. (Tanyël 2:44) Kot sayn Raych macht xlus mit te kanse xwiirichkheete un pringt friit uf ti eyert.

 Kuk was Yeesus Kristus, te Kheenich fon Kot sayn Raych, mache tuut:

•   “Tee tuut ti aarme woo hilef ferlange fray mache, un aach tee woo in noot is un al tii woo khee hilfe hon. Tee tuut mitlayt fon tëm keweenliche un te aarme hon, un retet ti aarme sayn leepe. Tee tuut tii fon te unertrikung un wyolënts pefraye, un tëne sayn pluut wërt weyertlich foer tëm sayn aue sin.”—Psalm 72:12-14.

 Torich sayn Raych, Kot macht tas ale phayn un traurichkheet woo te kriich un ti wyolënts pringe een ën kriin, un ti layt tuun nii mee soo sorte xwiirichkheete mit mache.

•   “Tee tuut yeete treene fon tëne sayn aue ap trokne, un es kept kheen toot mee, kheen traurichkheet, kheen krayxe un kheen phayn. Ti friirixe tinge sin xon rom kang.”—Apokalipsis 21:4.

 Palt tuut Kot sayn Raych in krayfe un te kontrol fon te Eyert iwer nëme. Ti Piipel hat xon kexproch fon “kriiche un notisye fon kriiche” woo mer hayt siin tuun. (Matheus 24:6) Tiise un anere ewënte woo am pasiire sin tsayche tas mer “in te letste taache” fon te mënxliche rechiirunge hiir uf te eyert am leepe sin.—2 Timoteus 3:1.