Xlime iwerxwëmunge tuun fiile layt uf te kans welt petrefe. Kuk mool tiise notisye:

•   “Tswixich samstaach un mitwoch, hon 744.8 milimeter waser iwer Xina sayn haupst xtat kereent. (...) Tas waar te xtërkste reen woo ti xtat petrof hot in te letste 140 yoore.” (AP News, 2^te Akust fon 2023)

•   “Am tiinstaach, waar es te tsweete taach woo te triles xtorm Khanun xtarke reen un wint tsum siit fon Yaapan keprung hot. Ferweenichst 2 persoone sin kextorep. (...) Es is kewaart tas, im kanse, sole 600 milimeter waser iwer ti përiche im mite Taiwan reene.” (Deutsche Welle, 3^te Akust fon 2023)

•   “Ti iwerxwëmung woo in te wochën [Nova Scotia] petrof hot, is pasiirt weeche te xtërkste reen woo ti Lëst rechyoon fon Kanata petrof hot in te letste 50 yoore.” (BBC News, 24^te Yuuli fon 2023)

 Was saat ti Piipel too triwer?

 Ti Piipel saat tas mer in te “letste taache am leepe sin.” (2 Timoteus 3:1) Yeesus hot foer raus kesaat tas mer teete “xrekliche tinge” siin in unser tsayt. (Lukas 21:11) Ti unweter sin yets xlimer, unkewaartner un tuun eftas pasiire. Een kroos xultner too hiner traan, is ti wërmung fon te eyert.

 Ti Piipel saat tas fiile fon te xrekliche tinge woo hayt uf te eyert pasiire, kepe een uersach fer hofnung hon. Wii soo? Yeesus hot kesaat: “Wën teyer siit tiise tinge pasiire, tan weest tas Kot sayn Raych ticht is.” (Lukas 21:31; Matheus 24:3)

 Ti ewënte woo hayt pasiire, tsayche tas Kot sayn Raych tuut klaych ti kans kontrol iwer ti natuer hon, too tepay te waser tsirkel. (Yoop 36:27, 28; Psalm 107:29)

 Fer mee lërne iwer wii Kot sayn Raych ti natuer noch mool in ortnung xtele tuut, kuk te artikel “Quem vai salvar a Terra?”