Wii Yeesus uf te eyert waar, hot eyer fiil liip fer ti layt ketsaycht. Sayn liip waar soo kroos, tas eyer hot soo kaar sayn leepe fer tëne ap kep. (Matheus 20:28; Yoohan 15:13) Klaych, tuut eyer sayn liip fer ti layt noch mool pewayse. Tee tuut sayn autoriteet wii Kheenich fon Kot sayn Raych penutse fer ‘ti kriiche uf te kans eyert tsum ën pringe’. (Psalm 46:9)

 Mërk mool wii ti Piipel pexraypt was Yeesus mache tuut:

•   “Tee tuut te aarm persoon woo hilef ferlangt pefraye, un aach tee woo unertrikt is un al tii woo khee helfer hon. Tee tuut mitlayt xpiire fon tee woo unertrikt is un fon tee woo aarm is, un tee tuut tas leepe fon te aarme rete. Tee tuut tëne fon te unertrikung un wyolënts pefraye.” (Psalm 72:12-14)

 Wii khene mer petanklichkheet tsayche fer ales was Yeesus fer uns kemacht hot un noch mache tuut? In Lukas 22:19, hot Yeesus sayn nookeener kexikt aan tëm sayn toot traan tenke. Tes weeche, een mool tas yoer, am taach fon Yeesus sayn toot, tuun Yeehoowa sayn Tsayer sich fersamele. Meyer laate tich in fer tas Aantenke fon Yeesus sayn toot mit uns fayre am Suntaach, 24^te Mërts fon 2024.

Fin een plats