Yaa, Yeehoowa sayn Tsayer tuun helfe wën unklike pasiire. Meyer helfe Yeehoowa sayn Tsayer, un aach tii woo net Yeehoowa sayn Tsayer sin. Tas xtimt mit te aanreet fon Kalater 6:10: “Tes weeche, mache mer tas kuutes fer al, awer hauptseechlich fer tii woo teel fon unser familye im klaape sin.” Meyer fersuuche aach in emotsyonaal un kaystlich aat troost kepe, fer ti woo petrof kep sin. — 2 Korinter 1:3, 4.

 Noo een unklik, tuun ti elteste fom plats woo petrof kep is, ale kontaktiire woo mit te kemaynt se tuun hon fer wise op se kuut traan sin un was fer neetichkheete se hon. Tan, xike ti elteste een relatooryum fer ti filyaal fon Yeehoowa sayn Tsayer fom lant un aach informatsyoone iwer hilfe woo xon kep waare.

 Wën ti kemaynte fom plats net ti neetiche hilfe khene kepe, tan te Rechiirente Khërperxaft fon Yeehoowa sayn Tsayer orkanisiirt was neetich is fer se helfe. Tas is eenlich mit te aat wii ti kriste im eyerste yoer hunert in tsayte fon hungernoot eene te anere uf kephast hon. (1 Korinter 16:1-4) Ti filyaal fom lant tuut komisyoone fon umaniteer hilef in richte, fer ti hilef orkanisiire. Yeehoowa sayn Tsayer fon anere pletse khome un kepe fon sayn tsayt un fon sayn materyaalixe tinge fer fraywilich se helfe. — Xpriiche 17:17.

 Tswixich anere opjetiiwe, ti kontripuytsyoone woo fer ti Haupst Sets fon Yeehoowa sayn Tsayer kexikt wëre, kepe penutst fer ti woo fon unklike petrof kep sin. (Aphostele sayn kexicht 11:27-30; 2 Korinter 8:13-15) Wayl ti woo fraywilich helfe khee kelt wole hon, tas kelt wërt wërklich penutst fer ti layt helfe woo fon unklike petrof kep sin. Meyer kepe acht fer ti kontripuytsyoone in een kuut aat penutse. — 2 Korinter 8:20.