Unser klaape xtaypt sich ploos aan was ti Piipel saat. Tan, soo lang wii mer ti Piipel peser ferxteen, tuun mer unser ferxtëntnis ënere. a

 Tiise ënerunge xtime mit was ti Piipel saat in Xpriiche 4:18: “Awer te weech fon tëm kerechte is wii tas hele moyntslicht, woo wërt heler un heler pis wan te taach kans hel is.” Soo lang wii ti sun uf keet, wërts lamsam heler un ma fangt aan peser siin was um uns rom is. In te selwich aat, tuut Kot uns lamsam helfe ti piiplixe woerheete ferxteen, in te tsayt woo eyer raus kesuucht hot. (1 Pheeter 1:10-12) Un, soo wii ti Piipel saat, eyer tuut tas yets noch mee mache, in “ti tsayt fom ën”. (Tanyël 12:4)

 Meyer sole uns net ferwunere orer ayere mit tiise ënerunge. Etliche layt, woo in ti friirixe tsayte Kot aan kepeet hon, hon aach ferkheerte mënunge kehat un miste ti aat wii se ketenkt hon, ënere.

•   Mooses hat kemënt tas eyer fërtich waar fer tas folek Israël pefraye. Awer ploos 40 yoore xpeeter hot Kot tas erlaupt. (Aphostele sayn Kexicht 7:23-25, 30, 35)

•   Ti aphostele hon net ferxtan ti profetsii woo iwer te toot un tas ufxtaye fom toot fom Mesias kexproch hot. (Isayas 53:8-12; Matheus 16:21-23)

•   Etliche kriste fon ti friirixe tsayte hate ferkheerte mënunge iwer wanee “Yeehoowa sayn taach” khome solt.” (2 Thesalooniker 2:1, 2)

 Xpeeter hin, hot Kot ti aat wii se ketenkt hon, korikiirt. Hayt tuun mer aach peete tas Kot uns wayter korikiirt wëns neetich is. (Tyako 1:5)