Weeche sayn liip tsu Kot un tsu ti layt, tuun Yeehoowa sayn Tsayer kërn iwer ti Piipel mit al xpreche. Too tepay sin tii woo saan tas se khee interes hon aan was meyer preetiche. (Matheus 22:37-39) Unser liip tsu Kot muut uns uf Yeesus aan heere, woo kesaat hot tas meyer solte “een komplët tsayer kepe”, too tepay is fer ale layt preetiche. (Aphostele sayn Kexicht 10:42; 1 Yoohan 5:3) Fer tas se mache, meyer tuun noo un noo mit ti layt xpreche iwer ti woerheet fon te Piipel, soo wii ti profeete fom friirixe tsayte kemacht hon. (Yeeremias 25:4) Meyer liipe ti layt. Tes weeche, fersuuche mer ti “kuute notisye fom Raych” fer al aus teele, tepay sin tii woo khee interes ketsaycht hon. Meyer tuun tas mache wayl tas was mer preetiche khan tëne sayn leepe rete. (Matheus 24:14)

 Oft mools, wën mer noch mool in ti hayser keen fon tii woo khee interes hate, fine mer yemant woo uns heere wil hon. Kuk tray uersache warom tas pasiirt:

•   Ti layt tuun sich wanere.

•   Anere layt fon ti familye khene interes tsayche.

•   Ti layt ënere ti aat wii se tenke. Wën se siin was tëne um rom in ti welt pasiirt un aach was in sayn aychne leepe pasiirt, khene se tan “sayn kaystliche neetichkheete erkhëne”, un mee interes tsayche fer iwer ti Piipel lërne. (Matheus 5:3) Soo kaar ti layt woo keeche was meyer preetiche sin, khene anerste tenke, soo wii mim aphostel Phaul pasiirt is. (1 Timoteus 1:13)

 Awer meyer tuun nimant tswinge uns heere. (1 Pheeter 3:15) Meyer klaape tas yeete eene mus selepst raus suuche ti sache woo mim relichyoon se tuun hon. (Teuteronoomyum 30:19, 20).