Yaa. Meyer sin kriste weeche tiise uersache:

•   Meyer fersuuche ticht noo keen was Yeesus Kristus in kelërnt hot un ti aat wii eyer sich aan kextelt hot. (1 Pheeter 2:21)

•   Meyer klaape tas Yeesus te eensich weech is fer ti retung kriin, tëm noo was ti Piipel saat: “Nimant aneres khan uns rete, wayl es kept khee aner naame unichm himel woo mer khene retung fine.” (Aphostele sayn Kexicht 4:12)

•   Wën een persoon Yeehoowa sayn Tsaye kept, wërt eyer ketaaft in Yeesus sayn naame. (Matheus 28:18, 19)

•   Meyer mache unsere kepeete in Yeesus sayn naame. (Yoohan 15:16)

•   Meyer klaape tas Yeesus unser Khop is, wayl eyer autoriteet iwer ti kanse mënxe kriit hot. (1 Korinter 11:3)

 Fiile relichyeese krupe saan tas se kriste sin, awer meyer sin anerste fon tëne in fiile unerxiitliche aate. Tsum payxpiil, meyer klaape net tas Yeesus teel fon een Triniteet is, awer klaape mer tas ti Piipel in lërnt tas eyer Kot sayn Soon is. (Markus 12:29) Meyer klaape net tas unser seel wayter leepe tuut wën mer xtërpe, un klaape mer aach net tas Kot ti layt in een fayer hel xtrooft. Un noch, meyer klaape tas tii woo flichte in te kemaynt hon, thërfe khee thitele kriin woo mache tas tii importanter wii ti anere wëre. (Eklesyastes 9:5; Esekyël 18:4; Matheus 23:8-10)