Tii woo ketaaft sin wii Yeehoowa sayn Tsayer, awer noo kelos hon se preetiche un tsu te fersamlunge keen, sin net tesasosiirt. In woerheet, fersuuche mer tëne uf muute sayn liip tsu Kot noch mool ferxtërke.

 Soo kaar wën yemant een xlim sint macht, is eyer net imer tesasosiirt. Awer wën een ketaaftne Yeehoowa sayn Tsayer wayter Kot sayn kesetse iwertreet un sich net peroyt, wërt eyer tesasosiirt. Ti Piipel tuut taytlich saan: “Tuut ti xlecht persoon tswixich aych raus tuun.” (1 Korinter 5:13)

 Un wën eene man tesasosiirt is awer sayn fraa un khiner noch Yeehoowa sayn Tsayer sin? Opwool eyer ti relichyoon kelos hot, is eyer noch teel fon te familye. Sayn fraa un khiner tuun tëm wayter liipe un respektiire.

 Aach wën yemant tesasosiirt is, khan eyer noch tsu unser fersamlunge khome. Tee khan aach hilef fer ti elteste fon te kemaynt ferlange, wën eyer wil. Ti elteste wole ti tesasosiirt persoon helfe ënerunge mache, tas se Kot noch mool tiine khan. Wën een tesasosiirt persoon noo lost xlechte tinge mache un tsaycht tas se wërklich aan heere wil was ti Piipel saat, khan se noch mool Yeehoowa sayn Tsayer wëre.