Gen anpil moun ki panse pa gen solisyon pou pwoblèm monn nan pral jwenn pandan ane 2024 la. Men, nou ka gen espwa pou lavni. Ki kote n ka jwenn espwa sa a?

 Bib la fè nou konnen Bondye pral rezoud tout pwoblèm ki fè lavi nou parèt sanzespwa jodi a. Talè konsa, Bondye “siye tout dlo nan je [nou], pap gen lanmò ankò, e moun pap nan lapenn ankò akoz moun pa yo ki mouri. Pap gen ni rèl, ni doulè ankò”. — Revelasyon 21:4.

•   Pou w aprann plis sou pwomès Bib la fè pou lavni, li atik “Bonjan espwa pou lavni.”

 Espwa Bib la bay pou lavni ka ede w ak santiman negatif ou genyen e l ka ede w vin wè bagay yo yon fason ki pi pozitif (Women 15:13). Bonjan konsèy Bib la bay tou ka ede w fè fas ak pwoblèm petèt ou genyen depi kounye a, tankou povrete, enjistis ak maladi.

•   Gade ki jan espwa Bib la bay te ede yon mesye jwenn lapè ak kè kontan malgre li te pòv lè l te timoun. Gade videyo Juan Pablo Zermeño: Jewova bay lavi m yon sans.

•   Gade ki jan Bib la ka ede w lè w santi w koupab, lè w tris, lè w gen kè kase e lè w gen yon moun pa w ki mouri. Li atik “Èske m ka jwenn pawòl pou konsole m nan Bib la?”

•   Gade ki jan yon dam ki te nan lame pale de tèt li kòm yon moun ki te “sonm anpil e [ki] pa t sansib ditou” te rive jwenn espwa grasa Labib. Gade videyo Mwen met fizi m atè.

 Fè ane 2024 la vin yon bon ane pou ou ak fanmi w. Aprann plis sou fason Bib la ka ede w. Eseye pwogram etid Labib gratis nou an. Gade ki jan Bondye ka “ba[w] lapè” depi kounye a ansanm ak “yon avni ak yon espwa”. — Jeremi 29:11.