KONTINYE VEYE!
Yon gwo ofisyèl nan kesyon lasante fè konnen rezo sosyal ka gen move efè sou jèn yo — Ki sa Bib la di?
Nan dat 23 me 2023, gen yon gwo ofisyèl nan kesyon lasante Ozetazini ki fè konnen rezo sosyal yo gen move efè sou anpil jèn.
“Byenke rezo sosyal yo kapab pote byenfè pou kèk timoun ak adolesan, gen anpil prèv ki montre rezo sosyal yo kapab gen yon move efè tou sou sante mantal ak byennèt timoun yo ak adolesan yo.” — Social Media and Youth Mental Health: The U.S. Surgeon General’s Advisory, 2023.
Sa ofisyèl la di a baze sou plizyè rechèch ki esplike rezon ki fè se yon bagay ki enkyetan.
Adolesan ki gen ant 12 a 15 an “ki pase plis pase 3 èdtan pa jou sou rezo sosyal gen de fwa plis chans pou yo gen pwoblèm mantal, e pami pwoblèm sa yo, yo ka gen sentòm depresyon ak panik.”
Pami jèn ki gen 14 an yo, souvan sila yo ki “sèvi anpil ak rezo sosyal yo pa dòmi byen, yo sibi brimad sou Entènèt, yo pa renmen aparans yo, yo santi yo pa gen valè e yo plis santi yo deprime. Sa rive plis tifi pase tigason.”
Ki jan paran yo ka pwoteje pitit yo kont danje sa yo? Bib la bay bonjan konsèy ki kapab ede.
Sa paran yo kapab fè
Rete okouran. Antanke paran, egzamine danje yo epi gade pou w wè si w ta dwe kite pitit ou sèvi ak rezo sosyal.
Prensip biblik: “Montre yon timoun nan ki wout li dwe mache.” — Pwovèb 22:6.
Pou w jwenn plis enfòmasyon, li atik “Èske pitit mwen ta dwe sèvi ak rezo sosyal?”
Si w kite pitit ou sèvi ak rezo sosyal, se pou w konnen danje yo epi rete okouran sou sa pitit ou ap fè sou Entènèt. Ki jan w ka fè sa?
Pwoteje pitit ou kont atik, imaj oswa videyo ki pa bon. Aprann pitit ou fason pou l idantifye atik, imaj oswa videyo ki pa bon e pou yo evite yo.
Prensip biblik: “Depi se imoralite seksyèl, salte sou kèlkeswa fòm nan, oswa avaris, nou pa dwe menm pale de yo nan mitan nou, […] se menm bagay la pou konduit ki fè moun wont, pawòl ki san valè, blag betiz.”— Efezyen 5:3, 4.
Pou jwenn bonjan konsèy, li atik “Aprann pitit ou evite danje ki genyen sou rezo sosyal yo”.
Fikse limit. Pa egzanp, di ki lè e pandan konbyen tan pitit ou kapab al sou rezo sosyal.
Prensip biblik: “Byen veye sou fason n ap mache a […] pou nou mache tankou moun ki saj. Se pou nou byen sèvi ak tan nou.” — Efezyen 5:15, 16.
Sèvi ak desen anime Byen sèvi ak rezo sosyal pou w ede pitit ou konprann sa k fè li enpòtan pou n mete limit.
Lòt sijè ki enteresan
MARYAJ AK FANMI
Èske pitit mwen dwe gen yon telefòn entèlijan?
Poze tèt ou kesyon sa yo pou ede w wè si pitit ou e ou menm ou pare pou responsablite a.
MARYAJ AK FANMI
Fason w ka ede pitit ou pwoteje tèt yo lè y ap sèvi ak telefòn entèlijan
Menm timoun ki gen anpil kapasite nan itilize aparèy elektwonik yo, bezwen direksyon nan men paran yo pou yo sèvi ak aparèy yo yon fason ki responsab.
SA LÒT JÈN DI
Sa lòt jèn di konsènan telefòn selilè
Pou anpil jèn, telefòn selilè plis pase yon telefòn, se sa k sove yo pou yo ret an kontak ak lòt moun. Ki avantaj ak dezavantaj ki genyen lè yon moun gen youn?
KESYON JÈN YO KONN POZE
Ki enpòtans sa genyen pou w popilè sou Entènèt?
Gen moun ki riske lavi yo jis pou yo ka genyen plis zanmi ak “like”. Èske sa vo lapenn riske lavi w pou w vin popilè sou Entènèt?
KESYON JÈN YO KONN POZE
Ki efè rezo sosyal yo genyen sou mwen?
Moun ka fasil vin esklav rezo sosyal yo. Konsèy sa yo kapab ede w gen kontwòl.
ENFÒMASYON SOU NOU
Mande pou yo vizite w
Poze yon kesyon ou genyen sou Bib la oubyen aprann plis sou Temwen Jewova yo.
