KONTINYE VEYE!
Gwo inondasyon ki lakòz dega — Sa Bib la di
Sou tout tè a, gen anpil moun k ap sibi dega gwo inondasyon lakòz. Men sa kèk rapò fè konnen:
“Nan dènye jou sa yo, ant samdi ak mèkredi, kantite lapli ki te tonbe nan kapital peyi Lachin se te […] 744, 8 milimèt dlo. Se premye fwa depi omwen 140 an peyi a jwenn gwo lapli konsa.” — AP News, 2 out 2023.
“Jedi te fè dezyèm jou depi siklòn Khanun te frape sid peyi Japon e l te vin ak gwo lapli ak gwo van ki touye omwen de moun […]. Yo panse kantite lapli ki kapab tonbe, akoz siklòn sa a, nan pati santral Taywann ki gen mòn ka rive jiska 0, 6 mèt wotè.” — Deutsche Welle, 3 out 2023.
“Gwo lapli ki te tonbe nan [Nouvèl Ekòs] pandan wikenn nan te lakòz inondasyon, e se premye fwa depi 50 an, gwo lapli konsa frape kòt Atlantik Kanada.” — BBC News, 24 jiyè 2023.
Ki sa Bib la di sou sa?
Yon siy “dènye jou yo”
Bib la fè konnen n ap viv nan yon peryòd li rele “dènye jou yo.” (2 Timote 3:1.) Nan pwofesi Jezi te bay pou epòk nou an, li te fè konnen nou t ap “wè bagay k ap fè [nou] pè”. (Lik 21:11.) Chanjman ki gen nan klima a lakòz yon seri katastwòf moun pa ka prevwa, ki fèt pi souvan e ki gen plis fòs.
Yon rezon pou n gen espwa
Bib la fè nou konnen bagay k ap fèt sou tè a jodi a e ki fè nou pè se yon rezon pou n gen espwa. Sa k fè sa? Jezi te di: “Lè nou wè bagay sa yo ap rive, konnen Wayòm Bondye a toupre.” — Lik 21:31; Mat. 24:3.
Evènman nou wè k ap rive yo se yon siy ki montre, talè konsa, Wayòm Bondye a pral gen kontwòl nèt sou lanati, sa gen ladan l pwosesis pou toujou gen dlo sou tè a. — Jòb 36:27, 28; Sòm 107:29.
Pou w aprann plis sou fason Wayòm Bondye a pral rezoud pwoblèm anviwònman an, gade atik “Kiyès ki pral sove tè a?”
Lòt sijè ki enteresan
KÈK LÒT SIJÈ
Èske Bib la ka ede w lè gen katastwòf?
Bonjan konsèy Bib la bay ka ede w fè fas ak katastwòf yo, kit se anvan yo frape, pandan y ap pase, oubyen menm apre yo fin pase.
REPONS BIB LA BAY
Ki sa ki siy “dènye jou yo” oswa “tan lafen an”?
Bib la te predi gen anpil evènman ki t ap rive ansanm ki t ap montre n ap viv nan dènye jou yo.
KÈK LÒT SIJÈ
Ki efè chanjman ki gen nan klima a ka gen sou avni nou? — Ki sa Bib la di sou sa?
Èske Bondye gen sousi pou planèt nou an ak moun k ap viv sou li yo?
KÈK ANSÈYMAN BIBLIK KI ENPÒTAN ANPIL
Èske se Bondye ki lakòz katastwòf natirèl yo?
De moun ki te viktim katastwòf natirèl esplike ki sa Bib la te aprann yo.
KÈK LÒT SIJÈ
Bonjan espwa pou lavni
Sa k fè pwomès nou jwenn nan Bib la diferan ak pwomès moun fè e ak sa yo panse ki pral rive alavni?
ENFÒMASYON SOU NOU
Mande pou yo vizite w
Poze yon kesyon ou genyen sou Bib la oubyen aprann plis sou Temwen Jewova yo.
