KANPAY ENVITASYON POU MEMORYAL LA
Jezi pral fini ak mechanste
Jezi konnen ki jan yon moun santi l lè l viktim mechanste ak enjistis. Yo te lage fo akizasyon sou do l, yo te bat li yon fason ki ilegal, yo te fè yon swadizan jijman pou li, yo te kondane l pou yon bagay li pa t fè e yo te touye l yon fason ki te kriyèl anpil. Byenke li te inosan, li te aksepte fè sakrifis lè l te bay “lavi l kòm ranson pou libere anpil moun”. (Matye 20:28; Jan 15:13.) Antanke Wa nan Wayòm Bondye a, talè konsa, li pral fè jistis blayi toupatou sou tè a, lè l fini ak mechanste nètale. — Ezayi 42:3.
Bib la fè konnen ki jan monn nan pral ye lè Jezi pral pase alaksyon:
“Mechan yo pap la ankò, w ap gade kote yo te ye yo, ou pap jwenn yo. Men, moun ki gen imilite yo ap posede tè a, e y ap kontan anpil akoz yo pral viv nan yon lapè total.” — Sòm 37:10, 11.
Ki jan nou ka montre nou gen rekonesans pou sa Jezi deja fè pou nou ak sa l pral fè pou nou talè konsa? Nan Lik 22:19, Jezi te di disip li yo pou yo komemore lanmò l. Se pou rezon sa a, Temwen Jewova yo reyini ansanm chak ane nan dat li te mouri a. N ap envite w vin selebre Memoryal lanmò Jezi a avèk nou dimanch 24 mas 2024 la.
Lòt sijè ki enteresan
ANSÈYMAN FONDAMANTAL KI NAN BIB LA
Ki sa Wayòm Bondye a ye?
Nan travay predikasyon an, Jezi te pale sou Wayòm Bondye a plis pase nenpòt lòt sijè. Sa fè plizyè syèk depi disip li yo ap priye pou Wayòm sa a vini.
KÈK LÒT SIJÈ
Bonjan espwa pou lavni
Sa k fè pwomès nou jwenn nan Bib la diferan ak pwomès moun fè e ak sa yo panse ki pral rive alavni?
MEMORYAL
Sonje lanmò Jezi
Nou kontan envite w asiste evènman enpòtan sa a avèk nou. Ou pral aprann ki jan lavi Jezi ansanm ak lanmò li kapab pwofitab pou ou pèsonèlman.
ENFÒMASYON SOU NOU
Memoryal lanmò Jezi
Temwen Jewova yo envite w vin asiste memoryal lanmò Jezi a jou k ap 12 avril 2025 lan.
KESYON MOUN POZE SOUVAN
Poukisa fason Temwen Jewova yo selebre Soupe Seyè a pa menm ak fason lòt relijyon fè l?
Yo rele l tou Lasent sèn oswa Memoryal, se evènman ki pi sakre pou Temwen Jewova yo. Ann wè sa Bib la di sou evènman sa a.
ENFÒMASYON SOU NOU
Mande pou yo vizite w
Poze yon kesyon ou genyen sou Bib la oubyen aprann plis sou Temwen Jewova yo.
