Byen bonè nan maten, nan jou ki te 24 fevriye 2022 a, lame peyi Larisi te kòmanse anvayi peyi Ikrèn, malgre chèf Leta nan plizyè peyi te eseye anpeche sa rive. Ki efè gè sa a ka gen sou monn nan? Men sa António Guterres, sekretè jeneral Nasyonzini, te di sa gen kèk jou: “Menm imajine nou pa ka imajine tout soufrans gè sa a pral lakòz, tout dega l pral fè ak efè l ap genyen sou lòt peyi ann Ewòp ak toupatou nan monn nan.”

•   Jezi te di gen yon lè kote “nasyon pral leve kont nasyon, e wayòm pral leve kont wayòm”. (Matye 24:7.) Li atik “Ki siy ki montre n ap viv nan ‘dènye jou yo’ oswa ‘fen tan yo’?” pou n ka wè fason Bib la montre gè k ap fèt nan epòk nou an montre pwofesi Jezi te bay la ap akonpli.

•   Liv Revelasyon an pale de lagè kòm yon moun ki sou yon “cheval . . . ki koulè dife” e ki “retire lapè sou tè a”. (Revelasyon 6:4.) Li atik “Kat moun ki sou cheval yo: Kiyès e ki sa yo reprezante?” a pou w ka wè fason pwofesi sa a gen rapò ak gè k ap fèt nan epòk nou an.

•   Liv Dànyèl la te anonse “wa nò a” ak “wa sid la” t ap toujou nan konpetisyon (Dànyèl 11:25-45). Gade videyo Pwofesi a reyalize — Dànyèl chapit 11 pou w aprann rezon ki fè Larisi ak patizan l yo reprezante wa nò a a.

•   Liv Revelasyon an pale tou de “lagè ki gen pou fèt nan gran jou Bondye a, li menm ki Toupisan an”. (Revelasyon 16:14, 16.) Men, gè sa a se pap yon gè ant de nasyon menm jan ak gè nou wè k ap fèt jodi a. Li atik “Ki sa lagè Amagedon an ye?” a pou w jwenn plis enfòmasyon sou gè k ap vini an.

•   Bib la di Bondye pral “fè pa gen lagè ankò sou tout kò tè a”. (Sòm 46:9.) Gade atik “Bonjan espwa pou lavni” an pou w aprann plis sou sa Bondye pwomèt l ap fè pou nou alavni yo.

•   Jezi te aprann disip li yo pou yo priye pou Wayòm Bondye a vini (Matye 6:9, 10). Wayòm sa a se gouvènman ki nan syèl la ki pral reyalize objektif Bondye gen pou tè a e youn nan objektif sa yo se pou lapè blayi sou tout tè a. Gade videyo Ki sa Wayòm Bondye a ye? a pou w aprann ki byenfè Wayòm sa a ka pote pou ou.

 Gen plis pase 129 000 Temwen Jewova k ap viv nan peyi Ikrèn. Menm jan ak Temwen Jewova nan tout lòt peyi, yo imite Jezi lè yo pa mele nan zafè politik monn nan e yo pa patisipe nan lagè (Jan 18:36). Temwen Jewova yo kontinye preche “bon nouvèl . . . konsènan Wayòm nan” toupatou sou tè a, kòm solisyon pou tout pwoblèm lèzòm yo, san wete lagè (Matye 24:14). Nou envite w kontakte nou pou w aprann plis sou mesaj espwa ki gen nan Bib la.