KONTINYE VEYE!
Moun ap fè vyolans pou ka gen chanjman politik — Sa Bib la di?
Gen anpil zak vyolans k ap fèt pou ka gen chanjman politik, sa ki fè moun toupatou sou tè a gen kè kase.
Nan peyi Meksik, rive jodi a, yo asasine 39 kandida politik. Se premye fwa yo asasine tout kandida sa a. E gen plizyè lòt fòm vyolans yo fè pou lakòz chanjman politik, sa ki choke moun yo e ki fè yo pa konsantre sou eleksyon pandan ane 2023-2024 yo.
Tou dènyeman ann Ewòp, te gen yon pakèt zak vyolans pou gen chanjman politik, sa gen ladan l tantativ yo te fè pou asasine premye minis Slovaki a nan dat ki te 15 me 2024 la.
Moun Ozetazini te sezi aprann tantativ ki te fèt nan dat 13 jiyè 2024 la pou asasine Donald Trump, yon ansyen prezidan Etazini.
Poukisa gen tout vyolans sa yo pou gen chanjman politik? Èske yon lè pap gen bagay konsa ankò? Ki sa Bib la di?
Bib la te anonse politik t ap divize moun
Bib la te gentan fè konnen nan epòk nou an, li rele “dènye jou yo”, anpil moun t ap gen atitid ki lakòz vyolans ak boulvès.
“Nan dènye jou yo, tan yo pral di, yo pral difisil pou moun sipòte. Paske, moun yo [...] ap engra, yo pap fidèl, [...] yo pap dispoze antann yo, [...] y ap sovaj, [...] y ap trèt, y ap gen tèt di, y ap gonfle ak ògèy.” — 2 Timote 3:1-4.
Bib la te gentan fè konnen tou, pandan dènye jou yo, souvan t ap gen yon seri boulvès, tankou moun k ap fè soulèvman kont gouvènman ak twoub politik (Lik 21:9, nòt). Epoutan, vyolans pou lakòz chanjman politik ak divizyon pap la pou toutan.
Yon lè, moun pap fè vyolans ankò pou lakòz chanjman politik
Bib la fè konnen Bondye pral ranplase tout gouvènman lèzòm yo ak gouvènman pa l la li tabli nan syèl la.
“Bondye nan syèl la pral tabli yon wayòm [k ap] kraze tout wayòm sa yo, l ap elimine yo, e se li menm sèl k ap rete pou toutan.” — Dànyèl 2:44.
Wayòm Bondye a pral vrèman ini moun epi tabli lapè sou tè a.
Yo rele Jezi, ki Chèf Wayòm nan, “Prens lapè”, e l ap asire l “lapè ap kontinye blayi nètale”. — Ezayi 9:6, 7.
Menm depi kounye a, moun k ap viv anba dominasyon Wayòm nan aprann fason pou yo viv nan lapè . Se sa k fè, Labib di: “Y ap bat epe yo pou yo fè yo tounen zouti pou raboure latè e y ap bat lans yo pou yo fè yo tounen sèpèt. Nasyon yo pap pran epe pou yo atake youn lòt ankò, e yo pap aprann fè lagè ankò.” — Ezayi 2:3, 4.
Pou w jwenn plis enfòmasyon, li atik “Ki sa Wayòm Bondye a pral fè?” epi gade videyo Ki sa Wayòm Bondye a ye?
Lòt sijè ki enteresan
TOUDEGAD
Ki sa Wayòm Bondye a pral fè?
Jezi te konnen Wayòm Bondye a se sèl gouvènman ki gen pouvwa pou l rezoud pwoblèm ki gen sou tè a. Ki sa Wayòm nan deja fè pou l ka fè moun gen konfyans nan li?
KONTINYE VEYE!
Moun yo pa gen konfyans nan politisyen yo ankò — Ki sa Bib la di?
Labib ankouraje nou pou n byen chwazi moun n ap fè konfyans e l fè konnen sèl solisyon pou n gen yon pi bon avni.
KONTINYE VEYE!
Sa k fè kesyon politik divize moun konsa? — Ki sa Bib la di?
Kesyon politik divize moun tout kote sou tè a. Bib la fè n konnen ki sa ki solisyon an: Se yon gouvènman ki gen yon moun alatèt li ki kapab elimine tout pwoblèm ki gen nan sosyete a jodi a.
TOUDEGAD
Kiyès Bondye chwazi kòm dirijan?
KÈK LÒT SIJÈ
Bonjan espwa pou lavni
Sa k fè pwomès nou jwenn nan Bib la diferan ak pwomès moun fè e ak sa yo panse ki pral rive alavni?
