Lik 3:1-38
3 Nan kenzyèm ane rèy Tibè Seza, lè Pons Pilat te gouvènè Jide, lè Ewòd te chèf distri Galile, alòske Filip, frè li, te chèf distri peyi Itire ak Trakonitid, nan epòk Lisànyas te chèf distri Abilèn,
2 nan epòk gran prèt Àn ak Kayif, Bondye te pale ak Jan, pitit Zekarya a, nan dezè a.
3 Epi, Jan ale nan tout peyi ki ozanviwon rivyè Jouden an, l ap preche moun yo pou yo batize pou yo montre yo repanti, dekwa pou peche yo padone.
4 Tankou sa ekri nan liv pwofèt Izayi a: “Koute! Gen yon moun k ap di byen fò nan dezè a: ‘Prepare chemen an pou Jewova, fè wout yo vin dwat pou li.
5 Tout ravin dwe konble. Tout gwo mòn ak tout ti mòn dwe vin plat. Wout ki gen koub yo dwe vin dwat. Wout ki gen douk yo dwe vin swa.
6 E tout moun ap wè mwayen Bondye ap sèvi pou l bay delivrans lan.’”
7 Epi, li di foul moun ki te soti vin jwenn li pou l te batize yo a: “Ras vipè, kiyès ki di NOU NOU ka kouri pou kòlè Bondye a k ap vini?
8 Ebyen, pwodui fwi ki mache ak repantans. Epi, pinga NOU kòmanse ap di nan kè NOU: ‘Se Abraram ki papa nou.’ Paske, m ap di NOU sa: Bondye gen pouvwa pou l fè pitit soti nan wòch sa yo pou Abraram.
9 Anverite, rach la deja nan rasin pyebwa a. Kidonk, tout pyebwa ki pa bay bon fwi, y ap koupe yo e y ap jete yo nan dife.”
10 E foul moun yo te konn mande l: “Ebyen, ki sa pou nou fè?”
11 Men sa l te konn reponn yo: “Se pou moun ki gen de rad bay moun ki pa gen ditou a. E moun ki gen manje dwe fè menm jan an tou.”
12 Twouve, menm pèseptè yo te vini pou l batize yo, e yo di li: “Anseyan, ki sa pou nou fè?”
13 Li di yo: “Pa mande plis taks pase montan ki fikse a.”
14 Epi, gen sòlda ki mande l: “E nou menm, ki sa pou nou fè?” Li di yo: “Pa dechèpiye pèsonn, epi pa akize pèsonn mal, men kontante NOU ak sa yo peye NOU an.”
15 E kòm pèp la t ap tann Kris la, tout moun t ap mande tèt yo konsènan Jan: “Ou kwè se pa li menm ki Kris la?”
16 Jan reponn yo, li di: “Mwen menm, mwen batize NOU nan dlo. Men, gen yon moun k ap vini ki pi pisan pase m, menm kòd sandal li mwen pa diy pou m demare, li menm, l ap batize NOU nan lespri sen ak nan dife.
17 Zouti* pou l vannen an nan men l pou l netwaye glasi l byen netwaye, e pou l ranmase ble a met nan depo l, men, l ap boule pay la nan yon dife ki pa ka etenn.”
18 Jan te bay anpil lòt egzòtasyon, e li te kontinye anonse pèp la yon bon nouvèl.
19 Men, piske Jan te repwoche Ewòd, chèf distri a, poutèt Ewodyad, madanm frè l la, e poutèt tout move aksyon li t ap fè yo,
20 Ewòd fè yon lòt bagay met sou tout move aksyon l yo: li fèmen Jan nan prizon.
21 Twouve, lè tout moun yo t ap batize, Jezi vin batize tou. Pandan l ap priye, syèl la ouvri,
22 e lespri sen desann sou li sou fòm yon pijon. E yon vwa sot nan syèl la, li di: “Ou se Pitit Gason m, pitit mwen renmen anpil la. Mwen apwouve w.”
23 Anplis de sa, lè Jezi te kòmanse aktivite l la, li te gen anviwon trant an. Selon sa moun yo te kwè, se pititJozèf li te ye, eJozèf se te pitit Eli,
24 Eli se te pitit Matat,Matat se te pitit Levi,Levi se te pitit Mèlki,Mèlki se te pitit Yanay,Yanay se te pitit Jozèf,
25 Jozèf se te pitit Matatyas,Matatyas se te pitit Amòs,Amòs se te pitit Nawoum,Nawoum se te pitit Esli,Esli se te pitit Nagay,
26 Nagay se te pitit Maat,Maat se te pitit Matatyas,Matatyas se te pitit Semeyin,Semeyin se te pitit Yosek,Yosek se te pitit Yoda,
27 Yoda se te pitit Yowanàn,Yowanàn se te pitit Resa,Resa se te pitit Zowobabèl,Zowobabèl se te pitit Cheyaltyèl,Cheyaltyèl se te pitit Neri,
28 Neri se te pitit Mèlki,Mèlki se te pitit Adi,Adi se te pitit Kosam,Kosam se te pitit Elmadam,Elmadam se te pitit È,
29 È se te pitit Jezi,Jezi se te pitit Elyezè,Elyezè se te pitit Yorim,Yorim se te pitit Matat,Matat se te pitit Levi,
30 Levi se te pitit Simeyòn,Simeyòn se te pitit Jida,Jida se te pitit Jozèf,Jozèf se te pitit Yonam,Yonam se te pitit Elyakim,
31 Elyakim se te pitit Meleya,Meleya se te pitit Mena,Mena se te pitit Matata,Matata se te pitit Natàn,Natàn se te pitit David,
32 David se te pitit Jese,Jese se te pitit Obèd,Obèd se te pitit Bowaz,Bowaz se te pitit Salmòn,Salmòn se te pitit Nachòn,
33 Nachòn se te pitit Aminadab,Aminadab se te pitit Ani,Ani se te pitit Etswòn,Etswòn se te pitit Perèts,Perèts se te pitit Jida,
34 Jida se te pitit Jakòb,Jakòb se te pitit Izarak,Izarak se te pitit Abraram,Abraram se te pitit Tera,Tera se te pitit Nawò,
35 Nawò se te pitit Sewoug,Sewoug se te pitit Rewou,Rewou se te pitit Pelèg,Pelèg se te pitit Ebè,Ebè se te pitit Chela,
36 Chela se te pitit Kayinàn,Kayinàn se te pitit Apakchad,Apakchad se te pitit Sèm,Sèm se te pitit Noye,Noye se te pitit Lamèk,
37 Lamèk se te pitit Metouchela,Metouchela se te pitit Enòk,Enòk se te pitit Yarèd,Yarèd se te pitit Mahalaleyèl,Mahalaleyèl se te pitit Kayinàn,
38 Kayinàn se te pitit Enòch,Enòch se te pitit Sèt,Sèt se te pitit Adan,e Adan se te pitit Bondye.
Nòt anba paj
^ Mo pou mo: “pèl”.
