Jòb 12:1-25
12 Apre sa, Jòb reponn:
2 “Pa gen dout, se nou menm ki konnen,Epi lè nou mouri, pap gen sajès ankò.
3 Men, mwen menm tou, mwen gen bon konprann*.Nou pa plis pase m.Kiyès ki pa konnen bagay nou di yo?
4 Mwen vin tounen yon moun zanmi ap pase nan rizib+,Paske m ap rele Bondye e m ap tann li reponn mwen+.Depi yon moun ap fè sa ki dwat e li san repwòch, yo pase l nan rizib.
5 Yon moun ki san pwoblèm, malè pa di l anyen,Li panse bagay konsa rive sèlman moun pye yo pa djanm*.
6 Gen lapè nan tant vòlè yo+,E moun k ap pwovoke Bondye yo ap viv trankil+,Yo kenbe zidòl y ap adore yo nan men yo.
7 Men, tanpri, mande bèt yo, y a fè w konnen,Mande zwazo nan syèl la, y a di w.
8 Oswa byen gade* tè a, l a fè w konnen,Epi mande pwason nan lanmè yo, y a di w.
9 Kiyès nan yo ki pa byen konnenSe Jewova ki fè yo ak men l?
10 Se nan men l lavi tout sa k vivan* ye,Ansanm ak lespri* tout moun+.
11 Èske zòrèy pa egzamine pawòlMenm jan lang* pran gou manje+?
12 Èske se pa moun ki granmoun ki gen sajès+,E èske se pa moun ki viv lontan ki gen bon konprann?
13 Bondye gen sajès ak pisans+,Li gen objektif e li gen bon konprann+.
14 Lè l kraze yon bagay, pa gen moun ki ka refè l+,Sa l fèmen, pèsonn pa ka ouvri l.
15 Lè l pa bay lapli, tout bagay vin sèch+,Lè l fè lapli tonbe, dlo kouvri tè a+.
16 Li gen fòs ak sajès*+,Ni moun ki fè erè yo, ni moun ki fè moun fè erè yo anba pouvwa l,
17 Li fè moun k ap bay konsèy yo mache pye atè*,E li fè jij yo vin fou+.
18 Li lage chenn wa yo mare moun yo+,E li mare yon senti nan ren wa yo.
19 Li fè prèt yo mache pye atè+,E li retire moun ki byen chita yo sou pouvwa yo+,
20 Li retire pawòl nan bouch konseye moun fè konfyans yoE li retire bonsans moun ki granmoun yo*.
21 Li fè yo meprize gwo potanta yo+,E li fè moun ki gen fòs yo vin fèb*.
22 Li fè limyè klere kote ki gen gwo fènwa+,E li fè kote ki gen gwo fènwa vin gen limyè.
23 Li fè yon pakèt nasyon vin pisan pou l ka detwi yo,Li fè vin gen anpil moun nan yon seri nasyon pou l ka fè yo ale ann egzil.
24 Li retire bon konprann* moun k ap dirije pèp yoE li fè yo monte desann nan dezè+.
25 Y ap tatonnen nan fènwa+, kote ki pa gen limyè,Li fè yo mache de bò tankou moun ki sou+.
Nòt anba paj
^ Lit.: “gen yon kè”.
^ Oswa: “moun pye yo ap glise”.
^ Se kapab tou: “Oswa pale ak”.
^ Oswa: “Se nan men l nanm tout moun ki vivan”.
^ Oswa: “souf”.
^ Lit.: “palèt”.
^ Oswa: “sajès ki bay bon rezilta”.
^ Oswa: “mache toutouni”.
^ Oswa : “bonsans ansyen yo”.
^ Lit.: “li lache sentiwon moun ki gen fòs yo”.
^ Lit.: “retire kè”.
