Jòb 21:1-34
21 Jòb reponn:
2 “Koute byen sa m ap di a,Konsa, n ap konsole m.
3 Pran pasyans avè m pandan m ap pale,Lè m fin pale, n a pase m nan rizib+.
4 Èske se devan moun m ap plenyen?Si se te sa, èske m* pa t ap pèdi pasyans?
5 Gade m epi se pou n sezi.Met men sou bouch nou.
6 Lè m ap reflechi sou sa k rive m yo, mwen santi m boulvèse,E tout kò m pran tranble.
7 Poukisa mechan yo kontinye viv+,Yo vin granmoun e yo vin rich*+?
8 Pitit yo toujou la devan yoE yo rive wè pitit pitit yo.
9 Kay yo solid, yo pa pè anyen+,Epi, Bondye pa pini yo ak baton l.
10 Towo bèf yo vin gen anpil pititPaske manman bèf yo met ba san yo pa fè foskouch.
11 Ti pitit gason yo genyen yo ap kouri nan lari tankou yon bann ti mouton,E pitit yo genyen yo ap kouri adwat agoch.
12 Yo chante pandan y ap bat tanbouren e y ap jwe hap,Yo kontan lè yo tande son flit+.
13 Kè yo kontan pandan tout vi yo,E y al nan Tonm* anpè*.
14 Men, yo di vrè Dye a: ‘Kite n an repo!Nou pa bezwen konnen wout ou yo+.
15 Kiyès Toupisan an ye, pou n ta sèvi l+?Sa sa ap rapòte nou lè nou chèche konnen l+?’
16 Men, mwen konnen yo pa gen pouvwa pou yo fè anyen mache byen pou yo+.Mwen pa reflechi* menm jan ak moun ki mechan yo ditou+.
17 Konbyen fwa lanp moun ki mechan yo etenn+?Konbyen fwa malè tonbe sou yo?Konbyen fwa Bondye detwi yo paske l fache?
18 Èske yo janm vin tankou pay van pote ale,Tankou pay gwo van tanpèt pote ale?
19 Bondye ap fè pitit yon moun peye sa moun nan fè.Men, se pou Bondye ba l sa l merite yon fason pou l konnen se sa l fè l ap peye+.
20 Se pou l wè ak pwòp je l jan l ap depafini,E se li menm ki pou bwè nan gode kòlè Toupisan an+.
21 Poukisa l ap bay tèt li pwoblèm pou sa k pral rive pitit li apre l fin mouri,Alòske li pap menm fin fè kantite tan li ta dwe viv*+?
22 Èske gen yon moun ki ka anseye Bondye*+,Piske se li k ap jije menm moun ki nan pi gwo pozisyon yo+?
23 Gen moun ki mouri pandan yo ak tout fòs yo+,Pandan yo anpè e yo pa gen okenn tètchaje+,
24 Pandan kuis yo byen graE zo yo byen solid*.
25 Tandiske gen lòt moun ki mouri pandan yo nan gwo lapenn*,San yo pa janm goute anyen ki bon.
26 Yo tout pral anba tè+,E vè ap kouvri yo+.
27 Gade! Mwen byen konnen sa nou gen nan lide nouE mwen konnen plan nou fè pou n fè m mechanste*+.
28 Paske nou di: ‘Kote kay gwo potanta aE kote tant mechan an te abite ladan l lan+?’
29 Èske nou pa mande moun k ap vwayaje yo?Èske nou pa byen egzamine sa yo di*
30 Ki fè konnen yon moun mechan ap delivre nan jou malè aE l ap chape nan jou kòlè Bondye a?
31 Kiyès k ap blame l pou sa l fè yo?E kiyès k ap fè l peye pou sa l fè yo?
32 Lè yo mennen l nan simityè,Y ap met veye tonm li.
33 Tè nan simityè a ap lejè sou li+,Epi, tout moun pral jwenn li*+,Menm jan gen yon pakèt moun ki pran devan l.
34 Donk, poukisa n ap ban m fo konsolasyon+?Pa gen anyen serye nan repons nou bay yo!”
Nòt anba paj
^ Lit.: “èske lespri m”.
^ Oswa: “yo vin gen fòs”.
^ Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.
^ Oswa: “nan yon moman”, sa vle di yo mouri byen vit, san yo pa soufri.
^ Oswa: “pa bay konsèy; pa fè plan”.
^ Oswa: “Si kantite tan l ta dwe viv la koupe an de”.
^ Oswa: “ki ka anseye Bondye konesans”.
^ Lit.: “E mwèl zo yo byen fre”.
^ Oswa: “ki mouri ak nanm yo anmè”.
^ Se kapab tou: “pou n fè vyolans sou mwen”.
^ Lit.: “egzamine siy yo”.
^ Lit.: “Epi, l ap trennen tout moun dèyè l”.
