Jòb 31:1-40
31 “Mwen fè yon alyans ak je m+.Bon, ki jan pou m ta fè gade yon fi ak move lide+?
2 Si m ta fè sa, sa m t ap jwenn nan men Bondye ki nan syèl la?Ki sa Toupisan an ki anwo a t ap ban mwen?
3 Èske se pa malè k ap tann moun k ap fè sa ki mal?E èske se pa kalamite k ap tann moun k ap fè move aksyon+?
4 Èske li pa wè tout wout mwen+?E èske li pa konte chak pa m fè?
5 Èske m janm nan bay manti*?Èske m janm twonpe moun+?
6 Se pou Bondye peze m nan yon bon balans+!Lè sa a, l ap wè m fidèl+.
7 Si pye m kite wout la+,Oswa kè m suiv sa je m wè+,Oubyen men m tranpe nan salte,
8 Se pou lòt moun manje sa m simen+E se pou yo derasinen sa m plante*!
9 Si m ta kite kè m bat pou yon fi+E m ta kache kò m+ bò pòt kay vwazen m,
10 Ebyen, se pou madanm mwen prepare farin pou yon lòt gason,E se pou lòt gason kouche avè l*+!
11 Paske yon konduit konsa t ap lage lawont sou mwen,Se t ap yon peche ki t ap merite pou jij yo pini m pou sa+.
12 Se t ap yon dife ki t ap ravaje tout sa m genyen, ki t ap detwi* yo+E ki t ap menm kankannen rasin* yo.
13 Si m te refize fè sèvitè m yo oswa sèvant mwen yo jwenn jistisLè yo gen yon kont* avè m,
14 Ki sa m ap ka fè lè Bondye kanpe anfas mwen*?Ki sa m ap ka reponn lè l mande m regleman+?
15 Èske Sila a ki te mete m nan vant manman m nan se pa li ki te fè yo tou+?Èske se pa li menm ki te ban nou fòm depi anvan nou fèt*+?
16 Si m te refize bay moun ki pòv yo sa yo bezwen+,Oswa mwen te fè dlo koule nan je vèv yo*+,
17 Si m te konn manje poukont mwen,San m pa bay timoun ki san papa yo+,
18 (Paske depi m jèn, mwen te tankou yon papa pou timoun ki san papa a*,E depi m toupiti*, mwen te yon gid pou vèv la.)
19 Si m te wè yon moun ap mouri anba fredi paske l pa gen rad,Oswa yon pòv ki pa gen anyen pou l kouvri+,
20 Si l* pa t mande benediksyon pou mwen+,Pandan l ap chofe kò l ak twal ki fèt ak lenn mouton m yo,
21 Si m te mare pwen m sou timoun ki san papa yo+,Lè yo te bezwen m ede yo nan pòtay vil la*+,
22 Ebyen, se pou ponyèt* mwen dekole sot nan zepòl mwen,E se pou bra m kase depi nan koud*!
23 Paske mwen te pè pou Bondye pa lage malè sou mwen,E mwen pa t ap kapab kanpe devan grandè li.
24 Si m te met konfyans mwen nan lò,Oubyen si m te di bonjan lò: ‘Se sou ou m konte+!’
25 Si se pil richès mwen te genyen yo ki te fè kè m kontan+,Paske m te vin gen anpil byen+,
26 Si m te wè solèy la* klere,Oswa lalin nan k ap deplase byen klere+,
27 Epi kè m ta kòmanse twonpe m an kachèt,E m te voye bo ba yo ak men m pou m adore yo+,
28 Ebyen, se t ap yon peche ki merite pou jij yo pini m,Paske mwen t ap vire do bay vrè Dye a ki nan syèl la.
29 Èske m te janm kontan poutèt yo touye yon ènmi m+?Oubyen èske m te fete paske malè rive l?
30 Mwen pa janm kite bouch mwen fè m peche,Pou m ta fè sèman pou l* mouri+.
31 Èske mesye ki anba tant mwen yo pa di:‘Kiyès ki ka jwenn yon moun ki poko plen vant li ak manje* Jòb yo+?’
32 Pa gen yon etranje* ki te oblije pase nuit nan lari+,Mwen te ouvri pòt kay mwen pou nenpòt moun.
33 Èske mwen te janm eseye kache peche m, menm jan ak lòt moun+,Pou m ta sere peche m nan pòch rad mwen?
34 Èske mwen te pè fason foul moun yo t ap reyaji?Oubyen èske mwen te vin kraponnen paske moun nan lòt fanmi ap meprize m,Sa ki ta fè m pa di anyen e ki ta fè m pè sot deyò?
35 Si yon moun ta annik koute m+!Mwen t ap siyen non m anba sa m di a*.Se pou Toupisan an reponn mwen+!Si moun ki akize m nan ta annik ekri akizasyon l yo nan yon dosye!
36 Mwen t ap pote l sou zepòl mwen,Mwen t ap mete l sou tèt mwen tankou yon kouwòn.
37 Mwen t ap bay Bondye yon rapò pou chak pa mwen fè,Mwen t ap pwoche kote l ak tèt mwen byen dwat, tankou yon prens.
38 Si pwòp tè mwen genyen ta rele anmwe pou mwen,E tout siyon ki trase ladan l yo ta pran kriye ansanm,
39 Si m te manje sa l bay san m pa peye travayè yo+,Oubyen si m fè moun* ap plenyen paske m pran tè yo+,
40 Ebyen, olye ble pouse ladan yo, se pou pikan pouse ladan yo,E se pou zèb ki gen move sant pouse nan plas lòj*!”Se la pawòl Jòb yo fini.
Nòt anba paj
^ Se kapab tou: “janm nan mache ak moun k ap viv nan manti”.
^ Oswa: “se pou yo derasinen desandan m yo”.
^ Lit.: “se pou lòt gason koube jenou sou li”.
^ Lit.: “t ap manje jiskaske l fini ak”.
^ Oswa: “ki t ap derasinen”.
^ Oswa: “jijman”.
^ Lit.: “lè Bondye leve”.
^ Lit.: “Èske se pa li ki ban nou fòm nan vant”.
^ Lit.: “te fè vèv yo pa wè nan je”.
^ Lit.: “pou li”.
^ Lit.: “depi nan vant manman m”.
^ Lit.: “ren l”.
^ Se kapab tou: “Lè m te wè yo te pran pou mwen nan pòtay vil la”.
^ Oswa: “zo zepòl”.
^ Oswa: “bra m sot nan jwenti l; bra m sot nan zo ki anlè l la”.
^ Lit.: “wè limyè”.
^ Oswa: “pou nanm li”.
^ Lit.: “vyann”.
^ Oswa: “yon moun k ap viv kòm etranje nan peyi a”.
^ Oswa: “Men paraf mwen”.
^ Oswa: “fè nanm moun”.
^ Se yon kalite manje angren.
