Jòb 39:1-30
39 “Èske w konn ki lè kabrit mawon fè pitit+?Èske w konn ret ap gade sèf* k ap fè pitit+?
2 Èske w konn konte konbyen mwa yo fè plenn?Èske w konn ki lè yo fè pitit?
3 Yo akoupi pou yo fè pitit,Epi, doulè tranche yo fini.
4 Pitit yo vin byen djanm e yo grandi nan savann nan.Y ale e yo pa retounen vin jwenn yo ankò.
5 Kiyès ki lage bourik mawon an+E kiyès ki demare kòd li?
6 Mwen fè dezè a vin tounen kay liE mwen fè zòn ki gen sèl la vin tounen kote l rete.
7 Se ri l ri lè l tande bri nan vil la,Li pa tande bri moun k ap rele l pou fè l travay.
8 Li monte desann sou tout ti mòn yo dèyè zèb pou l manje.L ap chèche tout kalite fèy vèt.
9 Èske towo bèf nan bwa a ap vle travay pou ou+?Èske l ap pase nuit kote w bay bèt ou manje?
10 Èske w ap pran yon towo bèf sovaj pou w mare l ak yon kòd pou w fè l fè siyon nan yon jaden?Oubyen èske l ap mache dèyè w pou l raboure tè nan plèn nan?
11 Èske w ap met konfyans ou nan li paske l gen yon pakèt fòs,E èske w ap kite l fè gwo travay ou yo?
12 Èske w ap konte sou li pou l pote sa w rekòlte* yo pou ouE pou l fè manje angren w yo fè pil kote w bat yo a?
13 Otrich la kontan bat zèl li,Men, èske plim zèl li yo ka parèt devan pa sigòy yo+?
14 Paske, li kite ze l yo atèE li mete yo nan tè pou yo ka ret cho.
15 Li bliye si pye ka kraze yoOubyen si yon bèt bwa ka mache sou yo.
16 Li maltrete pitit li kòmsi se pa pou li yo ye+.Li pa bay tèt li pwoblèm pou yo.
17 Paske, Bondye pa t fè l gen* sajèsE li pa t ba l bon konprann.
18 Men, lè l leve kanpe, li bat zèl li e li pran kouri,Li ri cheval la ansanm ak moun ki sou li a.
19 Èske se ou ki te bay cheval fòs yo genyen an+?Èske se ou ki te abiye kou l ak yon pakèt plim k ap souke?
20 Èske w ka fè l vòltije tankou yon krikèt?Gwo bri li fè ak souf li fè moun pè+.
21 Li pilonnen tè ki nan vale a e li ponpe ak tout fòs li+.Li kouri antre nan batay*+.
22 Lè gen bagay ki soti pou fè l pè, se ri li ri. Li pa pè anyen+.Epe pa fè l fè bak.
23 Sak ki gen flèch yo ap frape sou li,Lans yo ap klere kou zèklè.
24 Li tranble tèlman san l cho, li kouri dwat devan*,Li pa ka ret trankil lè l tande* son kòn.
25 Lè yo sonnen kòn, li di: “Han! Han!”Li pran sant batay la depi byen lwen,E li tande rèl chèf yo ap fè ak bri lagè a+.
26 Èske se grasa bon konprann ou grigri a vole rapid konsaLè l ap ouvè zèl li pou l al nan direksyon sid?
27 Oubyen èske se ou ki bay èg lòd pou l vole byen wo+Pou l al fè nich li yon kote ki wo+,
28 Pou l pase nuit li sou tèt yon falèzE pou l ret nan fòtrès li sou tèt yon mas wòch*?
29 Pandan l anlè a l ap chèche manje+.Je l wè jis byen lwen.
30 Se san pitit li yo bwè,Epi, kèlkeswa kote kadav la ye, li la+.”
Nòt anba paj
^ Se yon bèt ki sanble ak kabrit.
^ Lit.: “pote semans”.
^ Lit.: “Bondye te fè l bliye”.
^ Lit.: “Li soti al kontre ak lame a”.
^ Lit.: “li vale teren (tè)”.
^ Se kapab tou: “Li pa kwè nan”.
^ Lit.: “sou dan yon mas wòch”.
